مستقل گرڈ کنکٹویٹی فراہم کرنے کیلئے 50.15 کروڑ روپے کے ٹینڈر جاری کئے گئے
لازوال ڈیسک
سری نگر؍؍کشمیر پاور ڈِسٹری بیوشن کارپوریشن لمیٹڈ (کے پی ڈِی سی ایل) نے موسم سرما کی تیاریوں کے ایک حصے کے طور پر ضلع بانڈی پورہ کے دور دراز اور دور اُفتادہ گریز علاقے کے 22 دیہاتوںمیں بجلی کی فراہمی کو یقینی بنانے کے لئے مختلف صلاحیت کے 25 ڈِی جی چلانے کے لئے اضافی 472 کلو لیٹر ہائی سپیڈ ڈیزل (ایچ ایس ڈِی) ذخیرہ کیا ہے ۔دریں اثنأ، کے پی ڈِی سی ایل نے گریز ریژن کے غیرالیکٹریفائیڈ ایچ ایچز کو گرڈ کنکٹویٹی فراہم کرنے کے لئے پہلے ہی ٹینڈر جاری کئے ہیں جس کے لئے مرکزی وزارتِ توانائی پہلے ہی 50.15 کروڑروپے منظور کرچکی ہے۔کے پی ڈِی سی ایل کے ترجمان نے آج یہاں جاری ایک بیان میں کہا کہ گریز میں ڈی جی سیٹوں پر بجلی کی فراہمی کے لئے ایڈمنسٹریٹیو ڈیپارٹمنٹ کو 945.9 کلو لیٹر ایچ ایس ڈی کی ضرورت پیش کی گئی تھی۔
https://pdd.jk.gov.in/
اُنہوں نے مزید کہا کہ کے پی ڈی سی ایل نے262.4 کلو لیٹر ایچ ایس ڈی دستیاب ہونے کے علاوہ 22 دیہاتوںمیں صارفین کو بجلی کی فراہمی کے لئے سردیوں سے پہلے گریز کے مختلف مقامات پر اضافی 472 کلو لیٹر ایچ ایس ڈی کا ذخیرہ کیا ہے۔یہ دیہات بانڈی پورہ ضلع کے گریز علاقے کے تلیل اور کنزلون حصوں میں آتے ہیں۔ترجمان نے کہا کہ کے پی ڈِی سی ایل ضرورت پڑنے پر مزید ایچ ایس ڈِی سپلائی اور دیگر متعلقہ مواد ، اگر ضرورت ہو تو پورا کرے گا تاکہ ماضی کی روایت کے مطابق آئندہ موسم سرما کے دوران ان گریز دیہاتوں میں بجلی کی فراہمی کو یقینی بنایا جاسکے۔کے پی ڈِی سی ایل نے گریز کو مستقل گرڈ کنکٹویٹی فراہم کرنے اور ڈی جی سیٹ سپلائی کو ختم کرنے کے لئے 50.15 کروڑ روپے کی لاگت سے آر ڈی ایس ایس کی پریمیئر لاس ریڈکشن سکیم کے تحت تلیل اور کنزلون میں 6.3 ایم وی اے 33/11 کے وی ریسونگ سب سٹیشن کی تعمیر اور 2,619غیر بجلی گھروں کو بجلی فراہم کرنے کے لئے 2 ٹینڈر جاری کئے ہیں جس کے لئے وزارتِ بجلی پہلے ہی اِس منصوبے کو منظوری دے چکی ہے۔
