مختلف علاقوں سے تعلق رکھنے والے 17 ٹرینیز نے تربیتی پروگرام میں شمولیت اختیار کی
لازوال ڈیسک
کشتواڑ؍؍کرشی وگیان کیندر کشتواڑ اور سکاسٹ جموں نے آج کشتواڑ میں ایگریکلچر ان پٹ ڈیلرز کے لیے انٹیگریٹڈ نیوٹرینٹ مینجمنٹ پر 15 روزہ سرٹیفکیٹ کورس شروع کیا۔ اس پروگرام کا انعقاد ڈاکٹر بی این ترپاٹھی، وائس چانسلر سکاسٹ جموں کی رہنمائی میں کیا گیا اور اس کا انعقاد ڈاکٹر نریندر پال انچارج کے وی کے کشتواڑ نے ڈاکٹر امریش وید ڈائریکٹر ایکسٹینشن سکاسٹ جموں کی نگرانی میں کیا تھا۔وہیںپروگرام کی افتتاحی تقریب میں امجد حسین ملک، سی اے او کشتواڑ سنجے شرما ڈی اے او ایکسٹینشن، جمشید حسین، خالد حسین زرگر ایس ایم ایس ڈی ایل، منظور احمد زرگر ایس ڈی اے او مڑواہ، جتندر سنگھ ایس ایم ایس ایس ڈی ایل پاڈر موجود تھے۔تاہم ضلع کشتواڑ کے مختلف علاقوں سے تعلق رکھنے والے 17 ٹرینیز نے سرٹیفکیٹ کورس کے لیے اس تربیتی پروگرام میں شمولیت اختیار کی۔
وہیںپروگرام کا آغاز ڈاکٹر نریندر پال کے خطبہ استقبالیہ سے ہوا جنہوں نے شرکاء کو 15 روزہ پروگرام کے مواد اور خاکہ اور کھاد کے خواہشمند ڈیلروں کے لیے کورس کی اہمیت کے بارے میں بھی آگاہ کیا۔تاہم تکنیکی سیشن کے دوران، ڈاکٹر نریندر پال نے شرکاء کو پودوں کے ضروری غذائی اجزاء ، ان کے کردار اور کمی کی علامات اور فصلوں کی پیداوار اور پیداواری صلاحیت کو بڑھانے کے لیے مناسب غذائیت کے انتظام کے بارے میں آگاہ کیا۔
