جی ڈی سی نیلی نالہ ادھم پور نے دو روزہ کیمپ کا انعقاد کیا
لازوال ڈیسک
ادھمپور؍؍اسکاؤٹس اینڈ گائیڈ سیل، جی ڈی سی نیلی نالہ ادھم پور نے ’کیرئیر کی ترقی میں اسکاؤٹس اور گائیڈز کی اہمیت‘ کے موضوع پر دو روزہ کیمپ کا انعقاد کیا۔اس پروگرام کا انعقاد کالج کے پرنسپل پروفیسر ہنس راج کی رہنمائی میں کیا گیا۔ وہیںتقریب کا آغاز پروفیسر شائستہ یاسمین، انچارج سکاؤٹس اینڈ گائیڈز کے استقبالیہ کلمات سے ہوا۔ اس موقع پر تبادلہ خیال کرتے ہوئے کالج کے پرنسپل نے طلباء کو مشورہ دیا کہ وہ بھارت اسکاؤٹس اور گائیڈ میں شامل ہوں تاکہ وہ اپنی زندگی میں خود مختار بنیں۔ تقریب کی مقررہ وینا شرما نے اپنے لیکچر کا آغاز اسکاؤٹس اور گائیڈز کے لیے پرویش اور پرتھم ٹریننگ کے موضوع کے تفصیلی تعارف کے ساتھ کیا۔تاہم پہلے دن، انہوں نے انہیں بھارت سیکھنے پر جانکاری دی اور انہیں بھارت اور اسکاؤٹ جھنڈا ،گیت سے آگاہ کیا۔دوسرے دن، انہوں نے روورز اور رینجرز کی سوسائٹی کو دی جانے والی خدمات پر ایک تفصیلی لیکچر دیا اور بھارت کے یونیفارم، مختلف قسم کے پرچم اور گشت کے نظام اور اسکاؤٹس موومنٹ کے بارے میں بھی معلومات شیئر کیں۔ اس پورے کیمپ کے دوران طلباء نے نپن کی تربیت مکمل کی۔وہیںطلباء نے جوش و خروش سے حصہ لیا اور اسکاؤٹس اور گائیڈز کے بارے میں آگاہی حاصل کی۔ وہیںکالج کے پرنسپل نے بھی اس طرح کے اہم پروگرام منعقد کرنے پر آرگنائزنگ کمیٹی کو مبارکباد دی۔
