مختلف تاریخی ادوار کے 1,250 نایاب سکوں کا ایک منفرد مجموعہ پیش کیا گیا
لازوال ڈیسک
جموں؍؍ہرویندر کور ، جموں و کشمیر اکیڈمی آف آرٹ، کلچر، اینڈ لینگوئجز کی سکریٹری نے فنکاروں، ادیبوں، اور ہیریٹیج کنزرویٹرز کے ایک بڑے اجتماع کی موجودگی میںنجی کلکٹر جواہر جیوتی کے ذریعہ تیار کردہ نایاب اور یادگاری سکوں کی نمائش کرنے والی تین روزہ عددی نمائش کا آج کلا کیندر کی ماسٹر سنسار چاند گیلری میں افتتاح کیا ۔واضح رہے محکمہ ثقافت، حکومت جموں و کشمیر کے تحت کلا کیندر سوسائٹی جموں کے زیر اہتمام نمائش، مختلف تاریخی ادوار کے 1,250 نایاب سکوں کا ایک منفرد مجموعہ پیش کرتی ہے، جو مختلف اداروں کے محققین اور طلباء کے لیے ایک غیر معمولی تعلیمی موقع فراہم کرتی ہے۔
https://jkarchives.nic.in/
دریں اثناء مہمانوں کا استقبال کرتے ہوئے ڈاکٹر جاوید راہی ، سکریٹری کلا کیندر سوسائٹی نے نمائش کی اہمیت پر روشنی ڈالتے ہوئے کہا کہ یہ کرنسی کے ارتقاء کی ایک نادر جھلک فراہم کرتی ہے، ماضی کو حال کے ساتھ جوڑنے میں مدد کرتی ہے۔اس موقع پرہروندر کور ، سکریٹری جے کے اے اے سی ایل جو اس موقع پر مہمان خصوصی تھے، نے کہا کہ یہ نمائش ہمارے ثقافتی ورثے کے ساتھ ایک قیمتی تعلق کی حیثیت رکھتی ہے۔
یاد رہے جواہر جیوتی ، ایک ریٹائرڈ بینک ملازم نے اس طرح کے نایاب اور تاریخی طور پر اہم سکوں کو جمع کرنے کے جذبے اور لگن کا مظاہرہ کیا۔ انہوں نے تعلیمی اداروں خصوصاً یونیورسٹیوں پر زور دیا کہ وہ اپنے طلباء اور سکالرز کو نمائش میں شرکت کی ترغیب دیں تاکہ اس شاندار مجموعہ کے بارے میں بصیرت حاصل کی جا سکے۔اپنے خطاب میں جواہر جیوتی نے بتایا کہ ان کا مجموعہ برطانوی دور سے لے کر ڈوگرہ حکومت تک مختلف ادوار پر محیط ہے اور آج تک جاری ہے۔واضح رہے یہ نمائش عوام کو 8 ستمبر تک صبح 11 بجے سے شام 5 بجے تک اس بھرپور مجموعہ کو دریافت کرنے کا موقع فراہم کرتی رہے گی جو تمام زائرین کے لیے ایک تعلیمی اور ثقافتی پلیٹ فارم کے طور پر کام کرتی ہے۔
