بھرتی کے عمل میں مکمل شفافیت،کمپوٹر ایز ڈ ہر چیز کی نگرانی کی جا رہی ہے:کرنل دیویندر آنند
یواین آئی
جموں؍؍فوج میں بھرتی ہونے کے لئے کشمیر میں نوجوان کافی پر جوش نظر آ ر ہیں اور ریاست کے تین اضلاع میں 40 ہزار سے زائد نوجوانوں نے فوج میں بھرتی ہونے کی درخواست دے کر اپنے جوش و خروش کا تعارف کرایا ہے ۔ مرکز کے زیر انتظام علاقہ جموں و کشمیر کے ضلع سانبہ میں چل رہی فوج کی بھرتی کے لئے 40 ہزار سے زائد نوجوانوں نے رجسٹریشن کرایا ہے ۔ فوج میں بھرتی کے لئے پہلے روز اتوار کو منعقد ہ بھرتی ریلی میں تقریبا تین ہزار نوجوان فیزیکل ٹیسٹ میں شامل ہوئے ۔فوج کی جانب سے بھرتی کے لئے سانبہ کے ساتھ ساتھ جموں اور کٹھوا اضلاع میں بھی بھرتی مہم چلائی جا رہی ہے ۔ تین نو مبر سے 12 نومبر کے درمیان چلنے والی اس بھرتی ریلی کے کامیاب انعقاد میں فوج کا گرج ڈویژن، ضلع پولیس اور انتظامیہ مصروف ہے ۔ اس میں شامل ہونے والے نوجوانون بھی پر جوش نظر آ رہے ہیں ۔ وزارت دفاع کے ترجمان کرنل دیویندر آنند نے کہا‘‘بھرتی ریلی میں کثیر تعد اد میں نوجوان شامل ہو رہے اور تینوں اضلاع میں 44000 نوجوانوں نے رجسٹریشن کرایا ہے ’’۔ انہوں نے کہا ’’بھرتی کے عمل میں مکمل شفافیت ہے اور کمپوٹر ایز ڈ ہر چیز کی نگرانی کی جا رہی ہے‘‘ ۔ترجمان نے مزید کہا کہ بھرتی میں شرکت کرنے والوں کو کسی بھی دلال کو پیسہ نہیں دینا چاہئے کیونکہ بھرتی کے عمل میں مکمل شفافیت ہے اور آخری سلیکشن صرف فیزیکل ، تحریری اور طبی ٹیسٹ کے بعد کی جائے گی ۔
