کشتواڑ میں گاندھی جی پردستاویزی فلم کی اسکریننگ کی گئی
لازوال ڈیسک
کشتواڑ؍؍یوم شہداء کے موقع پر، ہندوستانی فوج نے جموں و کشمیر کے ضلع کشتواڑ کے گاؤں چنگام میں مہاتما گاندھی پر دستاویزی فلم کی خصوصی اسکریننگ کا اہتمام کیا۔ اس اہم موقع پر، ہندوستانی فوج نے مہاتما گاندھی کو خراج عقیدت پیش کیاجو ہندوستان کی جدوجہد آزادی میں ایک اہم شخصیت ہیں۔ واضح رہے دستاویزی فلم کی نمائش کا مقصد ملک کے ہیروز کی قربانیوں کو خراج عقیدت پیش کرنا اور مہاتما گاندھی کی طرف سے فروغ دی گئی پائیدار اقدار کے ساتھ مقامی کمیونٹی کو تحریک دینا ہے۔ یہ پہل ہندوستانی فوج کی ہماری تاریخ کی بھرپور ٹیپسٹری کو محفوظ رکھنے اور عوام میں فخر اور شکرگزاری کا جذبہ پیدا کرنے کی لگن کو ظاہر کرتی ہے۔
