اچھی صحت اور صحت مند ذہن کو برقرار رکھنے کیلئے کھیلوں کی اہمیت پر زور دیا
لازوا ل ڈیسک
کٹھوعہ// کٹھوعہ کا ڈسٹرکٹ اسپورٹس اسٹیڈیم آج انڈر 14 اور انڈر 17 لڑکوں اور لڑکیوں کے انٹر زون ڈسٹرکٹ لیول ٹورنمنٹ کے شروع ہونے پر جوش و خروش سے گونج اٹھا۔وہیں ایونٹ کا افتتاح ڈپٹی کمشنر ڈاکٹر راکیش منہاس نے کیا جنہوں نے ٹورنمنٹ کا باقاعدہ افتتاح کیا۔وہیںنوجوان کھلاڑیوں کے ساتھ بات چیت کرتے ہوئے، ڈاکٹر منہاس نے اچھی صحت اور صحت مند ذہن کو برقرار رکھنے کے لیے کھیلوں کی اہمیت پر زور دیا اور اس کے ساتھ ساتھ ٹیم کی کوشش اور کھیل کا جذبہ پیدا کیا۔ انہوں نے شرکاء کی حوصلہ افزائی کی کہ وہ ہائیڈریٹ رہیں اور اپنی بہترین کارکردگی کا مظاہرہ کریں۔ انہوں نے کہا کہ انتظامیہ نے پنڈال میں پینے کے پانی، ریفریشمنٹ اور طبی امداد کی سہولیات کا خاطر خواہ انتظام کیا ہے۔
چیف ایجوکیشن آفیسر کشور کمار، جو زونل فزیکل ایجوکیشن آفیسرز، فیلڈ اسٹاف، ایکٹیویٹی انچارج دھرمیندر سنگھ شیلی اور پروین سنگھ کے علاوہ ڈی وائی ایس ایس او آفس کٹھوعہ کا عملہ بھی موجود تھے۔ڈسٹرکٹ یوتھ سروسز اینڈ اسپورٹس آفیسر سنیل سنگھ سمبیال نے ٹورنمنٹ کی پیشرفت کا ایک جائزہ پیش کیا، جس میں اسکول کی سطح کے مقابلوں سے لے کر موجودہ انٹر زون ضلعی سطح تک کے سفر کی تفصیل بتائی گئی۔ انہوں نے اس باریک بینی سے منصوبہ بندی اور کوآرڈینیشن پر روشنی ڈالی جو اس تقریب کے انعقاد میں شامل تھی۔یہ ٹورنمنٹ جوائنٹ ڈائریکٹر یوتھ سروسز اینڈ سپورٹس جموں وید پرکاش کی رہنمائی اور ڈی وائی ایس ایس او کٹھوعہ سنیل سنگھ سمبیال کی نگرانی میں ڈائریکٹر یوتھ سروسز اینڈ سپورٹس سباش چندر چھیبر کی سرپرستی میں منعقد کیا جا رہا ہے۔
وہیںانڈر 17 لڑکوں کے آج کے مقابلوں میں کبڈی، کھو کھو، فٹ بال، والی بال، شطرنج، ریسلنگ، بیڈمنٹن، رسی سکپنگ، ٹیبل ٹینس اور کرکٹ شامل تھے۔ یہ تقریبات مختلف مقامات پر ہوئیں جن میں اسپورٹس اسٹیڈیم کٹھوعہ، اسپورٹس اسٹیڈیم ہیرا نگر اور ہائر سیکنڈری اسکول بوائز کٹھوعہ شامل ہیں۔کبڈی میں زون کٹھوعہ نے زون مرہین کو 3 پوائنٹس سے شکست دی۔والی بال میں زون سیلان نے زون مارہین کے خلاف 2-1 سیٹس کے اسکور سے کامیابی حاصل کی۔ٹیبل ٹینس میں، زون مارہین نے زون کٹھوعہ پر 2-1 سے فتح حاصل کی، جبکہ کھو-کھو میں، زون سلان نے فتح کا دعویٰ کیا۔
