لازوال ڈیسک
ریاسی؍؍ڈپٹی کمشنر ریاسی، بابیلا رکوال نے آج کٹرا اور ریاسی بلاکس میں پی ڈبلیو ڈی (آر اینڈ بی)، جے جے ایم اور پی ایم جی ایس وائی کے ذریعے چلائے جارہے بڑے ترقیاتی پروجیکٹوں پر کام کی پیشرفت کا معائنہ کیا۔PWD (R&B) کے بڑے کاموں میں جن کا DDC کے ذریعے معائنہ کیا گیا ان میں کٹرا ریاسی روڈ پر NH-144 پر بارہدری میں پل، گڑھے سکیم کے تحت لنک روڈ دھنسر بابا کی اپ گریڈیشن اور NH-144 کٹرا ریاسی روڈپر چار 6 میٹر اسپین کلورٹس کی تعمیر شامل ہیں۔ کام کا معائنہ کرتے ہوئے انہوں نے کام کے معیار اور منصوبوں کی بروقت تکمیل پر زور دیا۔ انہوں نے انجینئرنگ کے عملے کو مزید ہدایت کی کہ وہ کام کی جگہوں کا باقاعدہ دورہ کرکے ان کاموں کی نگرانی کریں۔جل جیون مشن کے جاری کاموں کا بھی معائنہ کیا گیا جس میں واٹر سپلائی اسکیم چمیارا پنگیالہ کی ریٹروفٹنگ اور اضافہ اور واٹر سپلائی اسکیم کالا سوکیتر کی ریٹروفٹنگ اور اضافہ شامل تھا۔ انہوں نے محکمہ جل شکتی کے عملے کو پراجیکٹس کو مقررہ وقت میں مکمل کرنے کی ہدایات جاری کیں۔بعد میں، ڈی ڈی سی نے بھاگا میں 38 میٹر اسٹیل اسپین پل کا بھی معائنہ کیا۔ انہوں نے پی آر آئی ممبران پر زور دیا کہ وہ اپنے علاقوں میں ترقیاتی کاموں کی بروقت تکمیل کے لیے نگرانی کریں۔ ان محکموں کے ایگزیکٹو انجینئر اور معاون عملہ بھی موجود تھا۔
