ضلع کے جڑواں ڈویڑنوں میں 207 سکیموں پر کام مکمل
لازوال ڈیسک
راجوری؍؍ڈپٹی کمشنر راجوری، وکاس کنڈل نے آج ضلع میں پردھان منتری گرام سڑک یوجنا (PMGSY) پروجیکٹوں پر کام کی پیش رفت کا سڑک کے لحاظ سے ایک وسیع جائزہ لیا۔جائزہ کے دوران ڈی سی نے متعلقہ حکام کو ہدایت کی کہ کام کی پیش رفت کو تیز کیا جائے اور مقررہ ٹائم لائنز کے اندر اہداف حاصل کیے جائیں۔ڈویژن وار اہداف اور کامیابیوں پر بھی تبادلہ خیال کیا گیا۔ بتایا گیا کہ بدھل ڈویژن میں 128 سکیموں میں سے 116 سکیموں پر کام مکمل ہے۔ اسی طرح راجوری میں 203 اسکیموں میں سے 191 اسکیموں پر کام مکمل ہے۔ ڈی سی نے ترجیحی منصوبوں پر پیش رفت کو بڑھانے پر زور دیا۔ مزید برآں، اجلاس میں منصوبوں پر کام کی تکمیل میں رکاوٹ پیدا کرنے والے مسائل پر بھی تبادلہ خیال کیا گیا۔ڈی سی نے پروجیکٹوں کو مقررہ وقت کے اندر مکمل کرنے اور اس بات کو یقینی بنانے پر زور دیا کہ PMGSY اسکیموں کے فوائد مطلوبہ مستفیدین تک جلد سے جلد پہنچ جائیں۔پی ایم جی ایس وائی اسکیم حکومت ہند کی طرف سے ایک اہم اقدام ہے، جس کا مقصد دیہی علاقوں کو ہر موسم میں سڑک رابطہ فراہم کرنا ہے۔یہ اسکیم دور دراز علاقوں میں رہنے والے لوگوں کو مرکزی دھارے کی معیشت سے جوڑ کر ان کی سماجی و اقتصادی حالت کو بہتر بنانے میں اہم کردار ادا کرتی ہے۔میٹنگ میں پی ایم جی ایس وائی راجوری کے ایگزیکٹیو انجینئر، پی ایم جی ایس وائی بدھل کے ایگزیکٹیو انجینئر امتیاز میر اور دیگر متعلقہ افسران نے شرکت کی۔
