ضلع مجسٹریٹ ڈوڈہ ویشیش مہاجن نے منعقدہ اجلاس کی صدارت کی
لازوال ڈیسک
ڈوڈہ// ضلع مجسٹریٹ ڈوڈہ ویشیش مہاجن نے ضلع سطحی کمیٹی ڈی ایل سی کے تمام اراکین کی ایک جامع میٹنگ کی صدارت کی اور مستحق درخواست دہندگان کے 85 کیسوں کو منظوری دی، جن کے کیس چیف امپلیمنٹنگ آفیسرکو بھیجے جائیں گے۔ وہیںمحکمہ زراعت سے 58 کیسز کی منظوری دی گئی جن میں کاشتکاروں کو کم لاگت کے پولی ہاؤسز کے قیام، کسانوں کے میکنائزیشن ٹولز کی خریداری، ورمی کمپوسٹ اسٹرکچر، مشروم کی کاشت اور شہد کی مکھیوں کے تحفظ کے لیے مالی اور لاجسٹک مدد شامل تھی جبکہ محکمہ بھیڑ پالنے کے 24 کیسز کی منظوری دی گئی۔ ہر یونٹ میں 50 بھیڑوں،بکریوں کے ساتھ 21 بھیڑ یونٹ، 2 کوٹھے اونچی زمین چراگاہ اور ایک ایف پی او جس میں 100 سے زائد کسان شامل ہیں۔وہیںڈی سی نے درخواستوں کی منظوری دیتے ہوئے، زراعت اور متعلقہ محکموں کے تمام سیکٹرل افسران پر زور دیا کہ وہ 10 تاریخ تک ضلع کے دور دراز اور غیر معروف علاقوں جیسے ملاں، شینکلی، مانو، ہڈل اور اس طرح کے دیگر دیہاتوں میں آگاہی اور انٹرایکٹو سیشن منعقد کریں۔ انہوں نے ضلع میں زرعی شعبے کی جامع ترقی کے لیے زرعی پر مبنی مصنوعات کے معیار میں بہتری، کسانوں کی تکنیکی ترقی، مربوط کاشتکاری، متعدد فصلوں، سائنسی فصلوں اور زیادہ مارکیٹ کی طلب رکھنے والی فصلوں کی بوائی کاشتکاری کے لیے کہا۔وہیںڈی ایم نے اسٹیک ہولڈر سے ضلع کو ایچ اے ڈی پی کے تحت تفویض کردہ اہداف کی تکمیل میں تیزی لانے کی تاکید کی۔ انہوں نے اس بات کا اعادہ کیا کہ ضلع میں سیاحت، زراعت اور تعلیم کے شعبوں میں ہونے والی ترقی سے ضلع کی سماجی و اقتصادی ترقی خود بخود ہوگی۔
