اور رام بن اضلاع میں آفات سے نمٹنے کی تیاریوں کا جائزہ لیا
لازوال ڈیسک
رام بن// خراب موسم کے چلتے ، ڈوڈہ، کشتواڑ اور رام بن کے تین اضلاع میں شدید بارش، برف باری کے پیش نظر، شریدھر پاٹل، ڈی آئی جی ڈی کے آر رینج نے تمام ایس ایس پیز، سپروائزری افسران، آئی سی ایس ڈی آر ایف یونٹوں اور آئی سی پی سی آر کے ساتھ میٹنگ کی۔ وہیںفعال اقدامات پر زور دیتے ہوئے ڈی آئی جی نے تمام افسران پر زور دیا کہ وہ اپنی ذاتی مداخلت کو یقینی بنائیں اور اپنے جوانوں اور دستیاب ذرائع کو تیار رہنے کی حالت میں رکھیں تاکہ خراب موسمی حالات سے پیدا ہونے والی کسی بھی صورتحال سے نمٹنے اور فوری کارروائی کو یقینی بنایا جا سکے۔
وہیںانہوں نے تمام افسران کو دیگر اسٹیک ہولڈرز اور مختلف محکموں بشمول پی ڈبلیو ڈی، میڈیکل ڈیپارٹمنٹ، بیکن، این ایچ اے آئی وغیرہ کے ساتھ قریبی رابطہ رکھنے کی ہدایت دی تاکہ شدید بارشوں اور برف باری کی وجہ سے ممکنہ رکاوٹوں کو کم کیا جا سکے۔میٹنگ کے دوران ڈی آئی جی نے افسران اور کنٹرول رومز کو تمام پولیس افسران کے ایمرجنسی ہیلپ لائن نمبرز کو برقرار رکھنے اور شیئر کرنے کی ہدایت کی۔ مزید، آئی سی پی سی آر ایس کو ہدایت کی گئی کہ موصول ہونے والی تمام پریشان کن کالوں کو فوری جواب کے لیے علاقائی افسران کے ساتھ شیئر کیا جائے۔ یہ ہدایات بھی پاس کی گئیں کہ حساس علاقوں کی طرف نقل و حرکت سے گریز کے حوالے سے عوامی اعلانات کو یقینی بنایا جائے۔
