عوام کو ٹریفک قوانین اور ضابطوں کی پابندی کی اہمیت سے آگاہ کیا گیا
لازوال ڈیسک
جموں؍؍ڈگری کالج سدھرا نے ’روڈ سیفٹی ماہ 2024‘ کے موقع پر ’روڈ سیفٹی ہیرو بنیں‘ کے موضوع پر ایک سمپوزیم کا انعقاد کیا جس میں سڑک استعمال کرنے والوں کے لیے ایک محفوظ ماحول پیدا کرنے میں اجتماعی کارروائی کے کردار پر زور دیا گیا۔یاد رہے سمپوزیم کا بنیادی مقصد عوام کو ٹریفک قوانین اور ضابطوں کی پابندی کی اہمیت سے آگاہ کرنا، روڈ سیفٹی کی جدید ترین ٹیکنالوجیز اور بہترین طریقوں کے بارے میں معلومات فراہم کرنا اور ڈرائیونگ کے ذمہ دارانہ رویوں کو فروغ دینا تھا۔اس سمپوزیم میں حادثات کی صورت میں زخمیوں کی شدت کو کم کرنے کے لیے سیٹ بیلٹ، ہیلمٹ اور دیگر حفاظتی سامان کے استعمال کی وکالت کرنا شامل تھا ۔
تاہم منعقدہ سمپوزیم میں کئی طلباء نے حصہ لیا۔یاد رہے پروگرام کا انعقاد قابل پرنسپل ڈاکٹر بی بی آنند کی قابل رہنمائی میں کیا گیا۔ اس موقع پر ڈاکٹر ہرپریت کور، ایچ او ڈی پولیٹیکل سائنس، ڈاکٹر مسرت چودھری کے ساتھ ساتھ ڈاکٹر محمود احمد، پی او این ایس ایس بھی موجود تھے۔
