حالیہ گولہ باری سے متاثرہ خاندانوںاور مقامی لوگوں سے بات چیت کی
ؒلازوال ڈیسک
جموں// ڈویژنل کمشنر جموں، رمیش کمار نے آج یہاں انسپکٹر جنرل آف پولیس جموں زون آنند جین کے ساتھ ہفتہ کو پاک گولہ باری سے متاثرہ سرحدی دیہاتوں کا دورہ کیا اور املاک کو ہونے والے نقصانات کا جائزہ لیا۔وہیںڈپٹی کمشنر جموں، سچن کمار ویشیا،ایس ایس پی جموں، ونود کمار، ایس پی ہیڈکوارٹر، رمنیش گپتا، ایس ڈی ایم آر ایس پورہ اور دیگر متعلقہ افسران ڈویژنل کمشنراور آئی جی پی کے ساتھ تھے۔اس موقع پر ڈی ڈی سی ممبر سچیت گڑھ، ترنجیت سنگھ ٹونی، پی آر آئی ممبران اور مقامی لوگ بھی موجود تھے۔ڈویژن کمشنر اور آئی جی پی نے گاؤں بھولا چک میں متاثرہ خاندانوں سے بات چیت کی اور گولہ باری سے ہونے والے نقصانات کا جائزہ لیا۔ وہیںڈویژن کمشنر نے ڈپٹی کمشنر جموں کو ہدایت دی کہ وہ نقصانات کا مکمل جائزہ لینے کے بعد متاثرین کو امداد فراہم کریں۔ڈویژن کمشنر اور آئی جی پی نے بھولا چک اور ٹریوا میں پی آر آئی ممبران اور سرحدی رہائشیوں سے بات چیت کی۔ انہوں نے سرحدی عوام کو درپیش ترقیاتی تقاضوں اور دیگر مسائل کے بارے میں دریافت کیا۔لوگوں نے اضافی بنکروں کی ضرورت، جاری ترقیاتی کاموں کی جلد تکمیل، پلوں کی تعمیر اور آبی ذخائر پر تجاوزات کی جانچ اور دیگر متعلقہ مسائل پر روشنی ڈالی۔وہیں سماعت کے بعد، ڈویژنل کمشنر اور آئی جی پی نے ڈپٹی کمشنر جموں کو ہدایت کی کہ وہ سرحدی لوگوں کی طرف سے اٹھائے گئے مسائل کی ذاتی طور پر پیروی کریں اور انہیں مقررہ مدت میں حل کریں۔ڈویژن کمشنر نے مقامی لوگوں کو یقین دلایا کہ حکومت سرحدی لوگوں کو ہر ممکن مدد فراہم کرنے کے لیے پرعزم ہے۔
