ایونٹ کے پہلے دن مجموعی طور پر 267 طلباء نے لیاحصہ
لاوزوال ڈیسک
ڈوڈہ// محکمہ یوتھ سروسز اینڈ اسپورٹس نے منگل کو یہاں گھاٹ کے گورنمنٹ ہائر سیکنڈری اسکول گراؤنڈ میں انڈر 14 اور انڈر 17 لڑکوں کے لیے کبڈی، والی بال اور کھو کھو ڈسپلن کے انٹر اسکول زونل سطح کے ٹورنمنٹ کا اعلان کیا۔ وہیںایونٹ کے پہلے دن مجموعی طور پر 267 طلباء نے حصہ لیا جن میں انڈر 14 کیٹیگری میں 121 اور انڈر 17 کیٹیگری میں 146 کھلاڑی شامل تھے۔ افتتاحی تقریب میں گھاٹ کے سریندر کمار زونل فزیکل ایجوکیشن آفیسر کے ساتھ مہمان خصوصی کے طور پر میزبان اسکول کے پرنسپل دنیش کمار نے شرکت کی۔
وہیںٹورنمنٹ کو تمام فزیکل ایجوکیشن لیکچررز (پی ای ایل)، فزیکل ایجوکیشن ماسٹرز (پی ای ایم)، فزیکل ایجوکیشن ٹیچرز (پی ای ٹی)، رہبر کھیل (آر ای کے) اور نیشنل یوتھ کور (این وائی سی) کے ممبران کی حمایت حاصل ہے، جنہوں نے اجتماعی طور پر تعاون کیا ہے۔وہیں تقریب کی کامیابی.شرکا ء کی حفاظت کے لیے ڈائمنڈ یوتھ کلب گھاٹ ایمبولینس خدمات فراہم کر رہا ہے اور گھاٹ کے بلاک میڈیکل آفیسر نے میڈیکل بیک اپ ٹیم کا انتظام کیا ۔یہ تقریب گھاٹ کے نوجوانوں میں کھیلوں اور جسمانی تعلیم کو فروغ دینے کے لیے ایک اہم قدم کی نشاندہی کرتی ہے، جس سے طلباء میں مسابقتی جذبے اور دوستی دونوں کو فروغ ملتا ہے۔
