تمام 11 مرقدوں کی غلاف بندی، انتظامیہ کی جانب سے تمام تر انتظامات،خوش اسلوبی سے شروع تقریبات
غلام قادر بیدار
سری نگر؍؍وسطی ضلع بڈگام کے چرار شریف علاقے میں بلند پایہ ولی کامل حضرت شیخ نور الدین نورانی (رح) کے سالانہ عرس مبارک کے سلسلے میں بدھ کے روز پوشاک بندی کی روح پرور تقریب منعقد ہوئی جس میں زائرین کی ایک بڑی تعداد نے شرکت کی۔سالانہ عرس کے سلسلے میں مقامی خواتین درمیانی شب زیارت شریف میں حاضری دے کر وہاں پر روایتی انداز میں دردو ازکار، نعت خوانی کے ساتھ ساتھ کلام شیخ العالم پڑھ کر فضا کو معطر کر رہی ہیں۔بتادیں کہ حضرت شیخ نور الدین نورانی(رح) کا سالانہ عرس مبارک 13اکتوبر بروز جمعہ کو منایا جارہا ہے۔وسطی ضلع بڈگام کے چرار شریف علاقے میں واقع وادی کے نامور ولی کامل علمدار کشمیر حضرت شیخ نور الدنی (رح)کے سالانہ عرس مبارک کی تقریبات کو خوش اسلوبی کے ساتھ پایہ تکمیل تک پہنچانے کی خاطر تمام تر انتظامات کو حتمی شکل دی گئی ہے۔بدھ کے روز چرار شریف میں سالانہ عرس کی تقریب کے سلسلے میں پوشاک بندی کی روح پرور تقریب منعقد ہوئی جس میں زائرین کی ایک بڑی تعداد نے شرکت کی۔سالانہ عرس کے سلسلے میں مقامی خواتین درمیانی شب زیارت شریف میں حاضری دے کر وہاں پر روایتی انداز میں دردو ازکار، نعت خوانی کے ساتھ ساتھ کلام شیخ العالم پڑھ کر فضا کو معطر کر رہی ہیں۔مسلم وقف بورڈکے نمائندہ وفد کی سربراہی پیرزادہ منصور حسین، بعقہ عالیہ چرارشریف کے میر واعظ مولانا امیر الدین شاہ، اور مقامی متولی زیارت یونس احمد،کی سربراھی میں ڈیوٹی پر مامور درجنوں پولیس اہلکاروں وقف ملازموں اور رضاکاروں کے حصار میں سنٹرل وقف بورڈ اور مقامی سطح پر تیار کروائی گئی ۔الگ الگ قسم کی چادریں مخصوص مقام سے نہایت ادب واحترام اور فلک شگاف توحیدی نعروں کی گونج اور مخصوص بڑے جلوس کی صورت میں 11 روضہ شریفوں پر مشتمل خاص حجرے تک پہنچائی گئی۔ اس سے قبل صبح 9,بجے ھی مکمل ایک سال کے وقفے کے بعد مشہور جنتی دروازے کو زائرین کی سہولیت کے خاطر کھول دیا گیا تھا۔ اس طرح سالانہ خصوصی دعائیہ مجلس اور تمام 11 تربتوں کی غلاف بندی کرنے کے ساتھ ھی 21 اکتوبر تک جاری رہنے والی تقریب کا ابتداء ہوا۔ زیارت شریف کے متولی نے بتایا کہ یہ روایت پچھلے دو سو سال سے چلی آرہی ہے کہ خواتین مسلسل ایک ماہ تک درمیانی شب کو زیارت شریف پر حاضر ی دینے کے دوران کلام شیخ العالم کا ‘ون ون کی صورت میں ورد کرتی ہیں۔مقامی لوگوں نے بتایا کہ عرس پاک کی تقریب سے ایک ماہ قبل مقامی خواتین درمیانی شب کو زیارت شریف پر حاضری دے کر روایتی ‘ون ون کے ذریعے کلام شیخ العالم کی بلند صداں سے فضا میں خوشبو بکھیرتی ہیں۔ انہوں نے بتایا کہ کالم شیخ عالم کے ساتھ ساتھ خواتین درود و زکار ، منقبت اور نعت خوانی کی روح پرور مجالس آراستہ کرتی ہیں۔زیارت شریف کے ایک عہدیدار نے یو این آئی ارد و بتایا کہ خواتین کی جانب سے زیارت شریف پر کالم شیخ العالم پڑھنے کی روایت سالہا سال سے چلی آرہی ہیں۔انہوں نے بتایا کہ پچھلے زائد از 2 سو سال سے یہ روایت چلی آرہی ہیں جس دوران خصوصاً معمر خواتین دوران شب خصوصی دعاں کا بھی اہتمام کرتی ہیں۔چرار شریف میں واقع آستان علمدار کشمیر لاکھوں روحانیت کے متلاشیوں کا روحانی مرکز ہے جہاں سال بھر عقیدت مندوں کا تانتا بندھا رہتا ہے۔ اس آستان عالیہ پر جہاں لوگ روحانی فیوض و برکات سے فیضاب ہوجاتے ہیں وہیں دنیا کی مختلف پریشانیوں میں گھرے لوگ اور حاجت مند بھی دست بدعا ہو کر مستفید ہوجاتے ہیں۔عرس پاک کی تقریب 13’ اکتوبر جمعہ اور شب خوانی کی سالانہ مجلس جمعرات کی شام سے منائی جارہی ھے۔
