لازوال ڈیسک
جموں//پلاننگ ڈیولپمنٹ اینڈ مانیٹرنگ ڈیپارٹمنٹ (پی ڈی اینڈ ایم ڈی) نے آج یہاںجموں و کشمیر اکنامکس اینڈ سٹیٹسٹکس سروس کے 50 افسران کو محکمہ میں جوائنٹ ڈائریکٹر اور ڈپٹی ڈائریکٹر کے طور پر تعینات کیا ہے۔اس سلسلے میں جاری ہونے والے حکومتی حکم نامے کے مطابق اس وقت محکمہ میں ڈپٹی ڈائریکٹرز کے طور پر تعینات 10 افسران کو ان کی اپنی تنخواہ اور گریڈ میں جوائنٹ ڈائریکٹر لگا دیا گیا ہے۔ اسی طرح محکمہ میں اس وقت اسسٹنٹ ڈائریکٹر کے طور پر تعینات 40 افسران کو ان کی اپنی تنخواہ اور گریڈ میں ڈپٹی ڈائریکٹر لگا دیا گیا ہے۔وہیںان تقرریوں پر اپنے تاثرات دیتے ہوئے، ڈاکٹر پیوش سنگلا، سکریٹری، پی ڈی ایم اڈی، نے یوٹی میں منصوبہ بندی اور ترقی کے عمل میں محکمے کے اہم کردار پر زور دیا۔ انہوں نے فیلڈ میں خالی اسامیوں کو پر کرنے کے لیے وسائل کا کافی ذخیرہ رکھنے کی اہمیت پر زور دیا۔ڈاکٹر سنگلا نے کہا کہ ان 50 افسران کی تعیناتی سے محکمہ میں موجودہ تعیناتی اور کل منظور شدہ تعداد کے درمیان فرق کو ختم کرنے میں مدد ملے گی۔یہ بات قابل ذکر ہے کہ جموں و کشمیر اکنامکس اینڈ سٹیٹسٹکس سروس کے ممبران اہم عہدوں پر فائز ہیں جیسے کہ انتظامی محکموں میں جوائنٹ ڈائریکٹر پلاننگ، مختلف ڈپٹی کمشنر اور فیلڈ دفاتر میں چیف پلاننگ آفیسرز اور ضلع شماریات اور تشخیصی افسران یہ عہدے ترقیاتی منصوبوں کی موثر منصوبہ بندی اور نگرانی کے لیے ضروری ہیں۔
