یونائیٹڈ پکل بال ایسوسی ایشن اور عالمی کھیلوں کی شراکت دار ی
لازوال ڈیسک
جموں؍؍ یونائیٹڈ پکل بال ایسوسی ایشن اور گلوبل اسپورٹس نے پی پی اے ٹور اور میجر لیگ پکل بال کو ہندوستان لانے کے لیے ایک معاہدے پر دستخط کیے ہیں۔ یو پی اے ہندوستان میں کھیلوں کو فروغ دینے کے لیے کلیدی اقدامات کا آغاز کرے گا کیونکہ پی پی اے ٹور کے ٹاپ کھلاڑی اگست 2024 میں ممبئی میں ہونے والی پی پی اے ٹور انڈیا مانسون پکل بال چیمپئن شپ میں ایک شاندار نمائش کا انعقاد کریں گے۔ اس کے علاوہ، 20 پی پی اے ٹور کھلاڑی پرو ڈویژن میں مقابلہ کریں گے۔ بعد ازاں فروری 2025 کو ہندوستان میں ایک سرکاری پی پی اے ٹور اسٹاپ نظر آئے گا ۔واضح رہے ایشیا میں اس ڈیبیو پی پی اے ٹور ایونٹ میں دنیا بھر سے پرو کھلاڑی شرکت کریں گے۔وہیں پی پی اے ٹور انڈیا باضابطہ طور پر لانچ کرے گا، جس میں کھلاڑیوں کو پی پی اے ٹور رینکنگ پوائنٹس کی پیشکش کی جائے گی تاکہ پیشہ ورانہ پکل بال کی عالمی رسائی کو بڑھایا جا سکے اور کھلاڑیوں کو درجہ بندی میں اضافے کا موقع فراہم کیا جا سکے۔ دریں اثناء ایم ایل پی انڈیا ایک ہفتہ طویل مقابلے کے ساتھ ڈیبیو کرے گا جس میں ہندوستان کے کھلاڑیوں کے ساتھ ساتھ ایم ایل پی اور پی پی اے ٹور پروفیشنلز بھی شامل ہوں گے۔ وہیںیو پی اے 2025-2026 میں مکمل 12 ٹیموں کا سیزن شروع کرنے کے مقصد کے ساتھ ایم ایل پی فرنچائزز کو فروخت کرنے کے لیے ایک کھلا عمل منعقد کرنے کا ارادہ رکھتا ہے۔
اس سلسلے میں پی پی اے ٹور کے بانی اور سی ای او کونر پارڈو نے کہایہ یونائیٹڈ پکل بال ایسوسی ایشن کے لیے ایک انتہائی پرجوش لمحہ ہے، جو اس کھیل کی رسائی کو ایک بہت ہی امید افزا مارکیٹ تک بڑھا رہا ہے۔انہوں نے کہاکہ پی پی اے ٹور انڈیا اور ایم ایل پی انڈیا کھلاڑیوں کے لیے پکل بال کے سب سے بڑے اسٹیج پر مقابلہ کرنے اور کھیل کی چوٹی تک پہنچنے کے لیے ایک راستہ بنائیں گے۔ انہوں نے مزیدکہاکہ گلوبل اسپورٹس کی شراکت کے ساتھ، ہم کھیل کو بلند کریں گے اور اسے لاکھوں نئے شائقین سے متعارف کرائیں گے۔
اس سلسلے میں گلوبل اسپورٹس کے پارٹنر ششانک کھیتان نے کہاکہ یونائیٹڈ پکل بال ایسوسی ایشن کے ساتھ شراکت داری کھیل کے لیے ایک بہترین قدم ہے۔ ہندوستان میں پکل بال نے پچھلے دو سالوں میں چھلانگ لگا کر ترقی کی ہے، اور اس سے موجودہ کھلاڑیوں کو اعلیٰ سطح پر مقابلہ کرنے کا پلیٹ فارم ملے گا۔انہوں نے کہاکہ اپنے قیام کے بعد سے، گلوبل اسپورٹس کھیل کو فروغ دینے کے لیے پرعزم ہے اور یہ شراکت داری اس کی حیثیت کو بلند کرے گی۔
