ایک سال میں 12,044 مکانات بنائے گئے جس سے 65,000 افراد مستفید ہوئے
لازوال ڈیسک
جموں؍؍ایک اہم کامیابی میں راجوری ضلع انتظامیہ نے 12,044 پردھان منتری آواس یوجنا ۔ گرامین ( پی ایم اے وائی ۔ جی ) اور آواس پلس مکانات تعمیر کئے ہیں جس سے تقریباً 65,000 لوگوں کو فائدہ پہنچا ہے ۔ ضلع ترقیاتی کمشنر وِکاس کنڈل کی رہنمائی اور نگرانی میں ضلع انتظامیہ نے ضلع میں ان اہم سرکاری سکیموں کے تحت 12,044 مکانات کی کامیابی سے تکمیل کیلئے ایک اچھی حکمت عملی کے تحت احتیاط سے کام کیا ۔ یہ کامیابی ضلعی انتظامیہ خصوصاً آر ڈی ڈی اور پی آر آئیز کے افسران کی محنت ، لگن اور عزم کا نتیجہ ہے جنہوں نے اس سنگ میل کو حاصل کرتے ہوئے متعدد چیلنجوں پر قابو پا لیا ۔ یہ بات قابل ذکرہے کہ پی ایم اے وائی ۔ جی ایک اہم ہاوسنگ سکیم ہے جسے حکومت کی جانب سے نافذ کیا جا رہا ہے جس کا مقصد سب کیلئے رہائش فراہم کرنا ہے ۔ پچھلے پانچ برسوں میں اس اسکیم نے راجوری میں 12,044 سستے مکانات کی تعمیر کی سہولت فراہم کی جس سے 65,000 سے زیادہ لوگوں کو پناہ دی گئی ۔ اس اسکیم نے پرانے مکانات کی جگہ لے لی ان لوگوں کیلئے بنیادی ڈھانچے اور صفائی کی سہولیات کو بہتر بنایا جو اب نئی رہائش گاہوں میں رہتے ہیں ۔ مزید براں ہر تعمیر شدہ گھر میں ایک بیت الخلاء موجود ہے جس سے ضلع میں صحت عامہ اور صفائی ستھرائی میں کافی بہتری آئی ہے ۔ راجوری ضلع میںآبادی پھیلی ہوئی ہیں اس لئے پی ایم اے وائی ۔ جی کے مقررہ اہداف کو حاصل کرنے کیلئے خصوصی توجہ اور علاقے کی مخصوص منصوبہ بندی کی ضرورت ہے ۔ اس سلسلے میں ضلعی انتظامیہ نے ایک مؤثر حکمت عملی تیار کی اور اس بات کو یقینی بنانے کیلئے سخت محنت کی کہ ان اہم سکیموں کو شروع کرنے کے مقصد کو ہر صورت میں پورا کیا جائے ۔ افسران کو ضلع کے تمام بلاکوں میں ماہانہ 1000 مکانات کی تکمیل کا ہدف دیا گیا تھا ۔ اس کے علاوہ آئی ای سی کی خصوصی سرگرمیاں بھی کی گئیں اور لوگوں کو اس سکیم کے تحت گھر بنانے کی ترغیب دی گئی ۔ ضلع ترقیاتی کمشنر نے سکیم پر عمل درآمد کی کڑی نگرانی کی تا کہ اس بات کو یقینی بنایا جا سکے کہ منصوبہ اچھی طرح سے منصوبہ بندی اور تکمیل کی طرف چل رہا ہے ۔ اس نے ہر مرحلے پر پہل کی نگرانی کی اور سکیم کے فوائدکو ہر استفادہ کنندہ تک پہنچانے کو یقینی بنائیں تاکہ سکیم کے مقاصد پورے ہوں۔ اَفسران نے اس بات کو یقینی بنانے کیلئے تندہی سے کام کیا کہ مکانات کی تعمیر پی ایم اے وائی ۔ جی کے رہنما خطوط کے مطابق ہو ۔اس کامیابی نے ہزاروں کنبوں کو باوقار ، سستی اور محفوظ رہائش حاصل کرنے کے قابل بنایا ہے جس سے ضلع میں کمیونٹی کے درمیان تحفظ اور بہبود کا زیادہ احساس پیدا ہوا ہے ۔ ضلع ترقیاتی کمشنر نے ان مکانات کی بروقت تکمیل کیلئے تمام شراکت داروں کا شکریہ ادا کرتے ہوئے یقین دلایا کہ آنے والے مہینوں میں ایسے مزید مکانات تعمیر کئے جائیں گے ۔ بلاک منجہ کوٹ کی رقیہ بیگم نے کہا ’’ اس سے پہلے مجھے اپنے بچوں کے ساتھ خستہ حال مٹی کی دیوار والے گھر میں رہتے ہوئے خاص طور پر گرج چمک اور بارش کے موسم میں بہت سے مسائل کا سامنا کرنا پڑا تھا ۔ لیکن اب حکومت کی مدد سے مجھے پی ایم اے وائی ۔ جی کے تحت ایک نیا گھر ملا ہے ۔ انہوں نے پکے گھر فراہم کرنے پر ایل جی انتظامیہ اور ضلعی انتظامیہ کا شکریہ ادا کیا ۔ اسی طرح بلاک سندر بنی سے بابو رام ، بلاک نوشہرہ سے اشونی کمار اور بلاک ڈونگی سے اوم پرکاش اور کئی دوسرے ایسے مستفیدین ہیں جنہوں نے مالی سال 2022-23 میں اپنے مکانات شروع اور مکمل کئے تھے ۔ انہوں نے ایل جی انتظامیہ کا شکریہ بھی ادا کیا ۔
