’’پی ایم اے وائی اربن ‘‘

ضلع رام بن میں 591اہل خاندانوں نے اپنا گھر حاصل کرنے کا خواب پورا کیا
لازوال ڈیسک
رام بن// ضلع رام بن کے مرکز میں، تین متحرک میونسپلٹیوں میں پردھان منتری آواس یوجنا اربن کے ذریعے ایک غیر معمولی تبدیلی دیکھنے کو مل رہی ہے۔ وہیںرام بن، بانہال اور بٹوت کے میونسپل قصبوں میں پھیلے ہوئے تقریباً 591 اہل خاندانوں نے اپنا گھر حاصل کرنے کا خواب پورا کیا ہے۔ڈپٹی کمشنر رام بن، بصیر الحق چوہدری کی دور اندیش قیادت میں،پی ایم اے وائی -یو اسکیم محض رہائش کے انتظامات سے آگے نکل گئی ہے اور کمیونٹی کے لیے بااختیار بنانے اور وقار کی علامت بن گئی ہے۔وہیںاکیلے رام بن میونسپل کونسل میں، 115 خاندان پہلے ہی اپنے مکمل شدہ گھروں کے آرام سے لطف اندوز ہو رہے ہیں، جب کہ 158 دیگر کو پی ایم اے وائی گھر کا استحقاق دیا گیا ہے اور باقی تعمیر کے مختلف مراحل میں ہیں۔اسی طرح بانہال اور بٹوت میونسپل کمیٹیوں میں بالترتیب 247 اور 186 خاندانوں کو پی ایم اے وائی -یوکے ذریعے روشن مستقبل کے وعدے سے نوازا گیا ہے۔ وہیںمقامی میونسپلٹیوں کی انتھک کوششوں نے بانہال میں 139 خاندانوں اور بٹوت میں 87 خاندانوں کو اپنے نئے ٹھکانوں میں قدم رکھنے کے قابل بنایا ہے، جب کہ باقی مستحقین کے لیے تعمیراتی کوششیں بلا روک ٹوک جاری ہیں۔