لازوال ویب ڈیسک
سری نگر،//ڈائریکٹر سکول ایجوکیشن کشمیر تصدق حسین کا کہنا ہے محکمہ سکول ایجوکیشن نے یکساں امتحانات کے شیڈول کی تجویز پیش کی ہے جس کے تحت پہلی سے 9 ویں جماعت کے امتحانات 15 نومبر سے منعقد کیے جائیں گے۔انہوں نے کہا کہ امتحانات کے متعلق بچوں اور والدین کو پریشان ہونے کی کوئی ضرورت نہیں ہے کیونکہ جتنا سلیبس مکمل ہوگا اسی کا امتحان لیا جائے گا۔
موصوف ڈائریکٹر نے ان باتوں کا اظہار ہفتے کو یہاں نامہ نگاروں کے ساتھ بات کرنے کے دوران کیا۔انہوں نے کہا: ’یکساں ڈیٹ شیٹ نکالے جارے ہیں ہم نے ایک تجویز پیش کی ہے جس کے تحت 15 نومبر سے پہلی سے 9 ویں جماعت کے امتحانات منعقد کیے جائیں گے‘۔ان کا کہنا تھا کہ 20 دسمبر سے بچے نئی جماعتوں میں داخل ہوکر کلاس لیں گے۔
https://www.dsek.nic.in/
مسٹر تصدق حسین نے کہا کہ بچوں اور والدین کو فکر کرنے کی کوئی ضرورت نہیں ہے کیونکہ جتنا سلیبس مکمل ہوگا اتنے کا ہی امتحان لیا جائے گا۔انہوں نے کہا: ’بچوں کو پریشان ہونے کی کوئی ضرورت نہیں ہے یہ طلبا دوستانہ امتحانات ہوں گے‘۔ان کا کہنا تھا: ’جہاں تک میری معلومات ہیں تو اساتذہ نے نوے فیصد سلیبس کو ختم کیا ہے‘۔دسویں اور بارہویں جماعتوں کے امتحانات کے بارے میں انہوں نے کہا کہ ان جماعتوں کے امتحانات اگلے سال فروری کے بعد منعقد ہوں گے۔
