ہندوستانی فوج کے زیر اہتمام عالمی یوم کینسر کے موقع پر نوجوانوں کی شرکت
لازوال ڈیسک
کشتواڑ؍؍بیداری پھیلانے کی اپنی مسلسل کوششوں میں ہندوستانی فوج نے مختلف قسم کے پروگرام شروع کیے ہیں، اور اسی جذبے کو جاری رکھتے ہوئے، عالمی یوم کینسر کے موقع پر’نوجوانوں کی مصروفیت‘ کے عنوان پر خطے کے شہریوں کے لیے ایک لیکچر کا اہتمام کیا۔اس لیکچر کا مقصد پسماندہ گروہوں جیسے بے گھر اور غربت کی لکیر سے نیچے کے لوگوں میں کینسر کے بارے میں آگاہی بڑھانا تھا۔
وہیںبھارتی فوج کے سویلین نمائندے نے خطاب کرتے ہوئے کینسر کی علامات، منتقلی کے طریقہ کار، روک تھام اور علاج کے بارے میں بتایا۔ دریں اثناء اجلاس میں حکومت کی جانب سے ملک سے کینسر کے خاتمے کے لیے کیے جانے والے اقدامات کے بارے میں بھی آگاہ کیا گیا۔ تاہم بیداری مہم کے دوران آس پاس کے دیہاتوں سے کل 102 شہری موجود تھے۔
