لاکھوں روپے مالیت کے نقصان پر عوام کی انتظامیہ وحکومت سے امداد کی مانگ
منظور حسین قادری
پونچھ؍؍ضلع پونچھ تحصیل سرنکوٹ بلاک بفلیاز موضع دہڑہ موڑہ محلہ سنکاری وارڈ نمبر 05 سَید محمد ولد طالب حسین گوجر کا رہائشی مکان بجلی شارٹ سرکٹ کے باعث بھیانک آتشزدگی کی واردات میں لاکھوں روپے مالیت کا نقصان ہواجس میں مویشی سامان اورجائیداد خاکسترہوگئی ۔
واضح رہے 02 مئی بح سویرے آگ کے شعلے دیکھتے ہی قرب وجوار سے لوگ جائے حادثہ پر وارد ہوئے جہاں نذرآتش مویشی خانہ میں چار شاخ بھینس جھلس چکی تھیں تاہم لوگوں نے ہنگامی اقدامات وحکمت عملی کے ساتھ آتشزدگی کی اس ہولناک واردات سے دیگر مکانات بچالئے ۔
یادرہے اس علاقہ میں ایسی اچانک وارداتوں سے نمٹنے کے لئے کسی قسم کی سہولیات میسر نہ ہیں اگر سڑک کی حالت بہتر ہوتی تو فائر برگیڈ کی فوری رسد کی بنا پر اتنا بڑا نقصان نہ ہوتا علاقہ میں بنیادی سہولیات کا فقدان ہے ۔لمبردار چوکیدار سرپنچ اور معززین کی موجودگی میں عوام الناس محلہ سنکاری دہڑہ موڑہ نے انتظامیہ اور حکومت سے اس المناک حادثہ پر متاثرہ کنبہ کی امداد اعانت کرنے کی مانگ کے ساتھ قابل کار سڑک پینے کے پانی ودیگر سہولیات کا مطالبہ کیا ہے۔
