ڈائرکٹرپونچھ کیمپس پروفیسر راکیش وید نے نیک خواہشات کا اظہار کیا
لازوال ڈیسک
پونچھ؍؍ شعبہ سیریکلچر، پونچھ کیمپس کے طلباء 18 دسمبر سے شروع ہونے والے اور 31 دسمبر 2023 کو اختتام پذیر ہونے والے جنوبی ہندوستان کے ایک پرجوش تعلیمی دورے کے لیے روانہ ہوئے۔ اس دورے کا مقصد طلباء کو ان مختلف خطوں میں سیری کلچر کا علم اور عملی سمجھ کی صلاحیتوں کو بڑھانے کا منفرد موقع فراہم کرنا ہے۔ اس ضمن میںپونچھ کیمپس کے ڈائرکٹر پروفیسر راکیش وید نے اس تعلیمی سفر کو شروع کرنے والے طلبہ اور فیکلٹی ممبران کو اپنی نیک خواہشات کا اظہار کیا۔ ایک پیغام میں، پروفیسر راکیش وید نے اپنے اعتماد کا اظہار کیا کہ یہ دورہ تمام شرکاء کے لیے ایک قیمتی تجربہ ثابت ہوگا، جو انہیں جنوبی ہندوستان میں رائج سیری کلچر کے متنوع پہلوؤں کے بارے میں بصیرت فراہم کرے گا۔وہیںکیمپس آفیسر ڈاکٹر روبیہ بخاری نے بھی اپنی نیک تمناؤں کا اظہار کرتے ہوئے امید ظاہر کی کہ طلباء تعلیمی دورے سے بھرپور استفادہ کریں گے۔ ڈاکٹر بخاری نے طلباء کی تعلیمی اور پیشہ ورانہ ترقی کی تشکیل میں تجرباتی سیکھنے اور عملی نمائش کی اہمیت پر زور دیا۔واضح رہے اس تعلیمی مہم میں طلباء کے ساتھ سیریکلچر ڈیپارٹمنٹ کے فیکلٹی ممبران ڈاکٹر جیوتی انگوترا اور مس کلپنا سودن ہیں۔تاہم توقع کی جاتی ہے کہ ان کی مہارت اور رہنمائی ٹور کی تعلیمی قدر میں اضافہ کرے گی، جس سے طلباء کو سیکھنے کا بہترین تجربہ ملے گا۔
