12 مویشیوں کو بچایا، گاڑی قبضے میں لے لی گئی،معاملہ درج مزید تحقیقات جاری
راکیش چودھری
سانبہ؍؍مویشیوںکے اسمگلروں اور ان کے پرچار کرنے والوں پر شکنجہ کستے ہوئے، پولس نے آج پولیس اسٹیشن گھگوال کے دائرہ اختیار میں مویشی اسمگلنگ کی ایک کوشش کو ناکام بنادیاجہاں مویشی اسمگلروں کے چنگل سے بارہ مویشیوںکو بچایا اور مویشیوں کی نقل و حمل میں استعمال ہونے والی گاڑی کو ضبط کرلیا۔واضح رہے پولیس اسٹیشن گھگوال کی ایک پولیس پارٹی نے ایس ایچ او پی ایس گھگوال کی سربراہی میں قومی شاہراہ ناکہ ٹپیال میں گاڑیوں کی چیکنگ کے دوران، ایک ٹرک کو روکا ۔وہیں چیکنگ کے دوران گاڑی کے اندر سے بارہ مویشی لدے ہوئے پائے گئے جنہیں انتہائی ظالمانہ طریقے سے باندھ کر بغیر کسی جائز اجازت کے غیر قانونی طور پر منتقل کیا جا رہا تھا۔تاہم بچائے گئے تمام مویشیوں کو محفوظ مقام پر منتقل کر دیا گیا ہے۔اس سلسلے میں ایف آئی آرزیر نمبر 69/2024 پولیس سٹیشن گھگوال میں درج کر کے تفتیش شروع کر دی گئی ہے۔
