لازوال ڈیسک
جموں؍؍جاری وکست بھارت سنکلپ یاترا کے ایک حصے کے طور پر، ایک خصوصی آئی ای سی وین آج بلاک کھراہ بلی کے پنچایت ناتھل پہنچی اور مقامی لوگوں اور پی آر آئی ممبران نے پرتپاک استقبال کیا۔ایل ای ڈی اسکرین اور ساؤنڈ سسٹم سے لیس اس وین میں وزیر اعظم نریندر مودی کا ویڈیو پیغام دکھایا گیا، جس میں انہوں نے لوگوں سے ملک کی ترقی اور خوشحالی کے لیے کام کرنے کا عہد کرنے کی اپیل کی ہے۔ تقریب میں موجود لوگوں نے سنکلپ کا عہد لیا اور اس مقصد سے اپنی وابستگی کا اظہار کیا۔اس تقریب میں نوجوان فنکاروں کے ایک گروپ کی طرف سے نکڑ ناٹک بھی پیش کیا گیا، جس سے منشیات کے استعمال اور سماجی برائیوں کے خلاف عوام میں ایک مثبت پیغام پھیلایا گیا۔ نکڑ ناٹک کے بعد مقامی اسکولوں کے طلباء نے اپنی صلاحیتوں اور جوش و جذبے کا مظاہرہ کرتے ہوئے مختلف ثقافتی پرفارمنس پیش کیں۔تقریب کے دوران محکمہ صحت کی جانب سے ایک ہیلتھ کیمپ کا بھی انعقاد کیا گیا جہاں غیر متعدی امراض کی مفت سکریننگ کی گئی۔ اس کے علاوہ شرکائ میں ٹی شرٹس اور کیپس کے ساتھ انعامات بھی تقسیم کیے گئے۔ حاضرین نے فنکاروں اور منتظمین کی کاوشوں کو سراہا اور تالیوں سے ان کی حوصلہ افزائی کی۔لائن ڈپارٹمنٹس کے نمائندوں نے مہمان خصوصی اور عوام سے بات چیت کرتے ہوئے اپنے سٹال پیش کیے اور حکومت کی جانب سے عوامی فلاح و بہبود کے لیے چلائی جانے والی مختلف اسکیموں اور پروگراموں کے بارے میں بتایا۔ انہوں نے لوگوں میں پمفلٹ، کیلنڈر اور بروشر بھی تقسیم کیے اور ان کے سوالات کے جوابات دیے۔اس تقریب میں، عوام نے پردھان منتری جن آروگیہ یوجنا (PMJAY) کے تحت مفت صحت کی دیکھ بھال کی خدمات حاصل کیں، جو فی خاندان 5 لاکھ روپے کا سالانہ ہیلتھ انشورنس کور فراہم کرتی ہے۔ مختلف اسکیموں کے استفادہ کنندگان نے ‘میری کہانی میری زوبانی’ کے تحت متعلقہ اسکیموں سے حاصل ہونے والے فوائد کے بارے میں بتایا۔
