لازوال ڈیسک
اسلام آباد؍؍؍پاکستان نے جیل میں بند کشمیری علیحدگی پسند رہنما یاسین ملک کی اہلیہ مشعال حسین ملک کو ملک کے نئے نگراں وزیر اعظم انوار الحق کاکڑ کا خصوصی مشیر مقرر کیا ہے۔جمعرات کی رات دیر گئے صدر عارف علوی کی ایوان صدر میں ایوان صدر میں 19 رکنی نگراں کابینہ سے حلف لینے کے بعد ان کا نام وزیر اعظم کے پانچ خصوصی مشیروں (ایس اے پی ایم)کی فہرست میں شامل کیا گیا۔ملک سے شادی کرنے والی پاکستانی شہری مشعل کو انسانی حقوق اور خواتین کو بااختیار بنانے کے لیے نگراں وزیراعظم کاکڑ کا خصوصی مشیر مقرر کیا گیا تھا۔ایک خصوصی مشیر کی حیثیت ایک جونیئر وزیر سے کم ہوتی ہے لیکن وہ اہم متعلقہ امور پر وزیر اعظم کو مدد فراہم کرتا ہے۔دیگر چار خصوصی مشیروں میں جواد سہراب ملک کو سمندر پار پاکستانیوں کے لیے ایس اے پی ایم، وائس ایڈمرل (ریٹائرڈ) افتخار راؤ کو مشیر برائے سمندری امور، ٹی وی اینکر اور مصنف وصیح شاہ کو سیاحت اور سیدہ عارفہ زہرا کو وفاقی تعلیم کا مشیر مقرر کیا گیا ہے۔جموں و کشمیر لبریشن فرنٹ (جے کے ایل ایف)کے سربراہ یاسین نے 2009 میں راولپنڈی میں پاکستانی فنکار مشعل سے شادی کی تھی۔ دونوں کی ملاقات اس وقت ہوئی جب یاسین 2005 میں پاکستان کے دورے پر تھے۔ مشعل اور اس کی بیٹی اسلام آباد میں رہتی ہیں۔ 1985 میں پیدا ہونے والی مشعل نے لندن اسکول آف اکنامکس سے گریجویشن کیا۔یاسین کو ٹرائل کورٹ نے مئی میں ٹیرر فنڈنگ کیس میں عمر قید کی سزا سنائی تھی۔
