لازوال ڈیسک
ڈوڈہ// محکمہ باغبانی ڈوڈہ کی جانب سے ٹھاٹھری میں پھلوں اور سبزیوں کے تحفظ کے فن میں ایک ماہ کے تربیتی پروگرام کے اختتام کے موقع پر ایک اختتامی پروگرام کا انعقاد کیا گیا۔وہیںچیف ہارٹیکلچر آفیسر ڈوڈہ راکیش کوتوال مہمان خصوصی تھے، جبکہ پروگرام میں ایم سی سی بھدرواہ بھارت بھوشن، بی پی ایم، اور محکمہ کے دیگر افسران نے بھی شرکت کی۔ اس پروگرام کا اہتمام جے کے آر ایل ایم ٹھاٹھری کے اشتراک سے کیا گیا تھا۔چیف ہارٹیکلچر آفیسر نے اپنے خطابات میں تربیت حاصل کرنے والوں سے کہا کہ وہ کپکساور ایگری انفراسٹرکچر فنڈ کے تحت مراعات حاصل کر کے اپنے پروسیسنگ یونٹس قائم کریں جو خصوصی طور پر پوسٹ ہارویسٹ مینجمنٹ تکنیک کے لیے ہے اور ضلع میں دستیاب صلاحیت سے فائدہ اٹھانا ہے۔ انہوں نے کہا کہ یہ نہ صرف آپ کو خود انحصار بنائے گا بلکہ ان کی آمدنی کو دوگنا کرنے اور کٹائی کے بعد ہونے والے نقصانات کو کم کرنے میں بھی مدد کرے گا۔”منیجر کم کیمسٹ بھدرواہ نے شرکاء پر زور دیا کہ وہ اپنے اپنے علاقوں میں سیلف ہیلپ گروپس بنائیں اور تربیتی پروگرام میں حاصل کردہ علم کو مختلف ویلیو ایڈڈ مصنوعات کی تیاری اور مارکیٹنگ میں استعمال کریں تاکہ وہ اتمنیربھار بن سکیں۔پروگرام کا اختتام شرکاء میں اسناد کی تقسیم کے ساتھ ہوا۔
