عمران خان
راجوری ؍؍سرحدی ضلع راجوری میں سیکورٹی فورسز اپنی فائرنگ اور ہتھیاروں سے نمٹنے کی مہارت کو تیز کرتے ہوئے ولیج ڈیفنس کمیٹیوں (VDCs) کو مضبوط بنانے کی کوششیں جاری رکھے ہوئے ہیں۔ ٹریننگ کے دوران ہتھیار، ہینڈلنگ کے مختلف پہلوؤں کی تربیت دی گئی اور ویلج ڈیفنس کمیٹی کے ارکان کے کردار پر زور دیا گیا۔ تربیتی سرگرمیوں میں وی ڈی سی کو ان کی فائرنگ کی مہارتوں کو تیز کرنے، ہتھیاروں سے نمٹنے اور ہتھیاروں کو صاف کرنے کے ساتھ ساتھ دیکھ بھال کی مہارتوں کو مضبوط بنانا شامل ہے۔ فوج، سی آر پی ایف اور جموں و کشمیر پولیس نے نوشہرہ سیکٹر اور راجوری ضلع میں لائن آف کنٹرول کے قریب واقع لام گراؤنڈ میں ایک خصوصی وی ڈی سی کیمپ کا انعقاد کیا۔ لام، لاڑوکا، موہڑہ کمپالا، پکھرنی، بھاٹا رائے پور، قلعہ درہل سمیت دیہاتوں کے وی ڈی سی ممبران نے فورسز کے ہتھیاروں کے ٹرینرز کے ساتھ حصہ لیا اور ہتھیاروں کی صفائی اور دیکھ بھال کے طریقوں کو مناسب طریقے سے سنبھالنے کا مظاہرہ کیا۔
