ووٹنگ کی اہمیت کے بارے میں آگاہی پھیلانے میں بھرپور کردار ادا کرنے پر میڈیا برادری کی کاوشوں کو سراہا
لازوال ڈیسک
کرگل// جوائنٹ ڈائریکٹر، اطلاعات، لداخ، امتیاز کاچو، جو آئندہ عام انتخابات کے لیے میڈیا (لداخ) کے اسٹیٹ نوڈل آفیسر ہیں، نے آج کونسل سیکریٹریٹ میں آئندہ لوک سبھا انتخابات کی کوریج کے سلسلے میں ایک میٹنگ کی صدارت کی۔وہیںمیٹنگ میں اسسٹنٹ ڈائریکٹر، کرگل، مرتضیٰ علی نے شرکت کی۔ اسسٹنٹ انفارمیشن آفیسر، انور علی سرپا ، کاپی ایڈیٹر،ایڈیٹوریل ایگزیکٹو، آل انڈیا ریڈیو کارگل، محمد عبداللہ ،کاپی ایڈیٹرنامہ نگار اے آئی آر کرگل، عنایت علی ،سٹرنگر، دوردرشن کارگل، منصور احمد، پریس کلب کرگل کے صدر حسین ابن خالو، سینئر میڈیا پرسن غلام نبی ضیاء اور پریس کلب آف کرگل کے دیگر ممبران پرنٹنگ ،پبلشنگ ایجنسیوں کے نمائندوں کے ساتھ ساتھ آزاد میڈیا کے افرادبھی موجود رہے ۔
وہیںمیٹنگ کے دوران جوائنٹ ڈائریکٹر نے انتخابات میں ووٹنگ کی اہمیت کے بارے میں آگاہی پھیلانے میں بھرپور کردار ادا کرنے پر میڈیا برادری کی کاوشوں کو سراہا۔ اس کے بعد انہوں نے سویپ سرگرمیوں کو اجاگر کرنے کے لیے میڈیا کی کوششوں کو سراہا۔ اس بات کی نشاندہی کرتے ہوئے کہ الیکشن کمیشن ووٹر کی تعلیم اور انتخابی خواندگی پر خصوصی توجہ دیتا ہے، انہوں نے ان پر زور دیا کہ وہ اس مقصد کی حمایت جاری رکھیں تاکہ کوئی ووٹر پیچھے نہ رہے۔
میٹنگ کے دوران انتخابی رہنما خطوط کے مختلف پہلوؤں جیسے میڈیا کی سہولت، پرنٹ اور الیکٹرانک میڈیا میں سیاسی جماعتوں کے اشتہارات، سروگیٹ اشتہارات، جعلی خبروں اور پیڈ نیوز اور پولنگ سٹیشنوں کے اندر نیز کاؤنٹنگ ہال میں کوریج کے طریقہ کار پر تبادلہ خیال کیا گیا۔انہوں نے انہیں ہدایت کی کہ وہ جعلی خبروں سے محتاط رہیں اور اپنے متعلقہ میڈیا پلیٹ فارم سے کسی بھی خبر کو نشر یا ٹیلی کاسٹ کرنے سے پہلے اس کی جانچ پڑتال کریں۔ انہوں نے میڈیا والوں کو پیڈ نیوز کے بارے میں بھی خبردار کیا جن پر کڑی نظر رکھنے کی ضرورت ہے۔ مزید، انہوں نے انہیں مشورہ دیا کہ وہ پولنگ سٹیشنوں میں ووٹنگ کے دن اور اس کے بعد گنتی کے ہالوں میں کوریج کے دوران اپنی نقل و حرکت کو مخصوص علاقوں تک محدود رکھیں۔
