درخت لگا کر ماحولیاتی تحفظ میں اپنا حصہ ڈالیں: جنرل منیجر ناردرن ریلوے شوبھن چودھری کی اپیل
لازوال ڈیسک
جموںآج ایکو پارک، سان مارٹن مارگ، نئی دہلی میں ناردرن ریلوے پروموٹیڈ آفیسرز ایسوسی ایشن کے ساتھ ایک خصوصی درخت لگانے کی مہم کا انعقاد کیا گیا۔ اس تقریب کے مہمان خصوصی جنرل منیجر (ناردرن ریلوے) شوبھن چودھری نے سبھی سے اپیل کی کہ وہ زیادہ سے زیادہ درخت لگا کر ماحولیاتی تحفظ میں اپنا حصہ ڈالیں۔ انہوں نے کہا کہ ماحولیاتی تحفظ ہم سب کی سماجی ذمہ داری ہے اور اس کے لیے ہمیں مل کر مسلسل کوششیں کرنی چاہئیں۔
اس موقع پر ایڈیشنل جنرل منیجر (ناردرن ریلوے) اجے کمار سنگھل، پرنسپل ہیڈ آف ڈیپارٹمنٹس اور دیگر سینئر افسران بھی موجود تھے۔ انہوں نے ماحولیاتی تحفظ کے بارے میں شعور اجاگر کرنے کے لیے پودے لگائے۔ اس موقع پر ایڈیشنل جنرل منیجر نے یہ بھی کہا کہ درخت لگانا نہ صرف ماحولیات کے لیے ضروری ہے بلکہ یہ ہماری آنے والی نسلوں کے بہتر مستقبل کو بھی یقینی بناتا ہے۔ اس موقع پر موجود معروف ماحولیاتی کارکن رابن سنگھ، سندرم تیواری اور دیگر نے اپنے تجربات شیئر کیے اور ماحولیاتی تحفظ کی اہمیت کو اجاگر کیا۔ رابن سنگھ نے کہا، ”فطرت کے ساتھ ہم آہنگی میں رہ کر ہی ہم ایک صحت مند اور خوش حال معاشرے کا تصور کر سکتے ہیں۔“ سندرم تیواری نے کہا، ”ہمیں زیادہ سے زیادہ درخت لگانے اور ان کے تحفظ کے لیے ہوش میں آنا چاہیے۔“
دریں اثناءآج کے خاص دن کو مزید کارآمد بناتے ہوئے، شمالی ریلوے کے نئی دہلی ریلوے اسٹیشن پر ریلوے مسافروں کے درمیان ‘ماحولیاتی عوامی شرکت بیداری مہم’ بھی شروع کی گئی۔ اس مہم کے تحت ماہرین ماحولیات رابن سنگھ، سندرم تیواری اور دیگر نے ریلوے عملے کی مدد سے نئی دہلی ریلوے اسٹیشن پر مسافروں سے بات چیت کی اور انہیں ہماری فطرت کے تحفظ کے بارے میں آگاہ کیا۔ وہیں مسافروں نے صفائی اور ماحولیات کے تئیں ریلوے کی کوششوں کو خوب سراہا، اور ریلوے کے احاطے اور آس پاس کے علاقوں میں صفائی اور ہریالی کو فروغ دینے کا عہد کیا۔ واضح رہے اس پروگرام کا مقصد نہ صرف ماحولیاتی تحفظ کے حوالے سے آگاہی بڑھانا تھا بلکہ لوگوں کو اس سمت میں فعال کردار ادا کرنے کی ترغیب دینا بھی تھا۔
