باپ بیٹی سمیت چار لقمہ اجل ،دو شدید زخمی، علاقے میں صف ماتم
شاہ نواز
ریاسی؍؍ضلع ریاسی کے مہور میں ایک بلورو گاڑی کے المناک حادثہ میں چار انسانی جانوں کا ضیاء ہوا ہے اور دودیگر اس وقت ہسپتال میں تشویش ناک حالت میں زیرعلاج ہیں۔اطلاعات کے مطابق ایکبلوروگاڑی جو ریاسی سے مہور کی جانب سفر کر رہی تھی اور مہور سب ڈویژن کے صدر مقام سے چند ہی کلومیٹر دور زیارت موڑ کے قریب گاڑی ڈرائیور کے قابو سے باہر ہو کر تقریباً دوسو میٹر
نیچے گہری کھائی میں گری جس کے نتیجے میں تین افرادموقع پر ہی لقمہ اجل بن گئے جبکہ تین زخمیوں کو سی ایچ سی مہور پہنچایا گیا جنہیں ابتدائی طبی امداد فراہم کرنے کے بعد ضلع ہسپتال ریاسی منتقل کیا گیا جہاں پر ایک زخمی زندگی کی جنگ ہار گیا۔
وہیںضلع ہسپتال ریاسی سے ایک دس سالہ بجی ارتقاء منظور اور ٹیچر شبیر احمد کو جی ایم سی جموں منتقل کیا گیا۔ آخری جانکاری ملنے تک شدید زخمی ٹیچر شبیر احمد کو جی ایم سی جموں سے پی جی ائی چندی گڑھ کے لئے منتقل کیا گیا تھا۔ دریں اثناء اس سڑک حادثے میں ازجان ہونے والوں کی پہچان ٹیچر منطور احمد ولد عبدالرشید ساکنہ دیول گلاب گڑھ اور اْن کی 8سالہ بیٹی اْلفت جان، بشیر احمد ولد غلا م دین (ڈرائیور) ساکن دیول، غلام محی الدین ولد غلام محمد ساکن لدھ گلاب گڑھ کے طور پر ہوئی ہیں۔ وہیںزخمیوں کی پہچان ٹیچر شبیر احمد ولد عبدللہ ناگ ساکن دیول اور ارتقاء منظور دختر منظور احمد ساکن دیول کے طور پر ہوئی ہے۔تاہم دلدوز سڑک حادثے کی وجہ سے علاقے میں صف ماتم ہے۔
