سانبہ پولیس نے مویشی چور گرفتارکر کے چوری شدہ مویشی برآمدکئے
راکیش چودھری
سانبہ ؍؍جموں و کشمیر پولیس نے پولیس سٹیشن رام گڑھ کے دائرہ اختیار میں درج مویشیوں کی چوری کا مقدمہ درج کر کے چور کو گرفتار کر کے اس کے قبضے سے مسروقہ مویشی برآمد کر لیے ہیں۔واضح رہے 26اپریل کو پولیس اسٹیشن رام گڑھ میں ہنس راج ولد داس رام ساکنہ سوانکھ تحصیل رام گڑھ ضلع سانبہ نے کسی نامعلوم شخص کی طرف سے مویشیوں کے شیڈ سے اس کے مویشیوں کی چوری کے سلسلے میں ایک تحریری شکایت درج کرائی تھی۔
اس شکایت پر کارروائی کرتے ہوئے، ایف آئی آر نمبر 36/2024پولیس اسٹیشن رام گڑھ میں درج کیا گیا اور تحقیقات شروع کی گئی۔وہیںتفتیش کے دوران پی ایس رام گڑھ کی پولیس ٹیم نے ملزم آصف ملک ولد محمد رفیق ساکنہ جھنگ تحصیل رام گڑھ ضلع سانبہ کو پکڑ لیااور مسلسل پوچھ گچھ کے دوران مذکورہ ملزم نے فوری کیس میں اپنے ملوث ہونے کا اعتراف کیا۔ مزید اس کے انکشاف پر چوری شدہ مویشی برآمد کر لیے گئے ہیں۔
