سی این آئی
سرینگرخوشگوار موسم میں تبدیلی آنے کے امکانات ظاہر کرتے ہوئے محکمہ موسمیات نے آئندہ 24گھنٹوں کے دوران ریاست میں ہلکی سے درمیانی درجہ کی بارشیں ہونےکی پیشن گوئی کی ہے۔خیال رہے کہ وادی کشمیر میں گزشتہ کئی دنوں سے سخت ترین گرمی کی لہر جاری تھی جس کے نتیجے میں لوگوں کو سخت ترین مشکلات کا سامنا کرنا پڑا۔ سی این آئی کے مطابق منگل کے بعد دوپہر وادی کشمیر کے موسمی صورتحا ل میں اچانک تبدیلی آئی جس کے ساتھ ہی مطلع آبر الورہ اورٹھنڈے ہواﺅں کا سلسلہ شروع ہوا۔موسم ابر الودہ ہونے کے ساتھ ہی لوگوں نے گرمی سے کچھ حد تک راحت کی سانس لی۔اسی دوران محکمہ موسمیات نے آئندہ 24گھنٹوں کے دوران ٹنل کے آر پار بارشیںہونے کے امکانات ظاہر کئے ہیں ،سرینگر میںمقیم محکمہ موسمیات کے ترجمان کے مطابق گزشہ دنوں شدید گرمی کی لہر کے بعد مغربی ہوائیں ریاست میں داخل ہوئے ہیں جس کے نتیجے میں آئندہ 24گھنٹوں کے دوران بارشیںہوسکتی ہے۔ادھر محکمہ موسمیات نے آنے والے 24گھنٹوں کے دوران ریاست جموں و کشمیر میں کئی مقامات پر تیز ہوائیوں کے ساتھ ساتھ بالائی و میدانی علاقوں میں ہلکی سے درمیانی درجہ کی بارشیں ہونے کے امکانات ہیں۔واضح رہے کہ امسال مسلسل خراب موسمی صورتحال رہنے کے بعد کئی دنوں سے وادی کشمیر میں کھلی دھوپ نکلنے کی وجہ سے لوگوں نے تھوڑی بہت راحت کی سانس لی تھی جبکہ درجہ حرارت میں بھی اضافہ دیکھنے کو ملا تھا۔
