کھیلوں کے ذریعے ہی نوجوانوں کو منشیات سے دور رکھا جاسکتا ہے: ڈاکٹر روف الرفیق
تنہا ایاز
پلوامہ؍؍ کھیلوں کے انعقاد سے ہی نوجوانوں کو منشیات کی وبا سے دور رکھا جاسکتا ہے۔منشیات کے استعمال اور اسمگلنگ کے خلاف عالمی دن کے موقع پر سماج کے مختلف طبقوں کی جانب سے پیغامات جاری کرتے ہوئے کہا کہ منشیات سے صرف تباہی و بربادی آتی ہے۔تفصیلات کے مطابق آج یعنی 26 جون کو منشیات کے خاتمے کا عالمی دن منایا جاتا ہے۔اس دن کو منانے کا بنیادی مقصد لوگوں میں منشیات کے استمال کے مضر اثرات سے آگاہی پیدا کرنا ہے۔ اس حوالے سے وادی کشمیر میں بھی آج مختلف مقامات پر رضاکار تنظیموں، سکولوں ،یوتھ سروسز اینڈ سپورٹس اور پولیس کی جانب سے سیمنار ریلیاں اور تقریبات منعقد ہورہی ہے ضلع پلوامہ میں سب سے بڑی تقریب ڈسڑکٹ پولیس اور نیشنل یوتھ پیس فاؤنڈیشن کے باہمی اشتراک سے گورنمنٹ ڈگری کالج بائز میں منعقد ہوگی۔
منشیات کے استعمال اور اسمگلنگ کے خلاف عالمی دن کے موقع پر وادی کے معروف سماجی کارکن اور ماہر ماحولیات کے ڈاکٹر روف الرفیق نے اپنے پیغام میں کہا کہ منشیات کا استمال تشویشناک حد تک بڑچکا ہے اور اس وبا کے خاتمے کیلئے سماج کے ہر طبقے کو آنا چاہئے۔ انہوں نے کہا کہ صرف سمینار اور ریلیاں منعقد کرنا ہی کافی نہیں ہے بلکہ زمینی سطح پر بھی تمامتر اقدامات اٹھانے کی ضرورت ہے تاکہ نوجوان نسل کو اس وبا سے دور رکھا جاسکے۔ ڈاکٹر روف الرفیق نے مزید کہا کہ منشیات سے صرف تباہی و بربادی ہی آتی ہے۔
منشیات کی وبا کو ختم کرنے کیلئے سماج کے ہر طبقے کو اپنا رول ادا کرنا ہوگا۔ انہوں نے مزید کہا کہ کھیلوں کے ذریعے ہی نوجوان نسل کو منشیات سے دور رکھا جاسکتا ہے۔سماجی کارکن ڈاکٹر روف الرفیق نے اساتذہ پر زور دیا ہے کہ وہ اسکولوں, کالجوں اور یونیورسٹیوں میں طلبہ کی کونسلنگ کریں اور کھیل کود کا بھی ماحول پیدا کرے تاکہ وہ منشیات کی وبا اور غلط کاموں سے دور رہیں۔منشیات کے استعمال اور اسمگلنگ کے خلاف عالمی دن کے موقع پر جہاں آج کئی مقامات پر تقریبات کا اہتمام ہورہا ہے وہی ضلع پلوامہ میں ڈسڑکٹ پولیس اور نیشنل یوتھ پیس فاؤنڈیشن کے باہمی اشتراک سے گورنمنٹ بائز ڈگری کالج میں سمینار کا انعقاد ہورہا ہے جس میں ڈپٹی کمشنر پلوامہ ڈاکٹر بشارت قیوم اور ایس ایس پی پلوامہ پی ڈی نیتا شرکت کریں گے۔
