وقف بورڈ کی چیئرپرسن نے حنفیہ ماڈل ہائی سکول میں نئی عمارت کا سنگ بنیاد رکھا، منشیات سے نجات کانفرنس میں شرکت
لازوال ڈیسک
سرینگر؍؍جموں و کشمیر وقف بورڈ کی چیئرپرسن ڈاکٹر سید درخشاں اندرابی نے کہاہے کہ منشیات کا خطرہ بارود کے ساتھ سرحد پار سے کشمیر میں آیا اور دونوں نے تین دہائیوں سے زائد عرصے تک ہماری زندگیوں کو جہنم بنا دیا۔انہوں نے کہاکہ2019 کے بعد، کشمیر نے تشدد کی چالوں کو روکنے میں کامیابی حاصل کی لیکن ہم اب بھی منشیات کے خلاف جنگ لڑ رہے ہیں
آج گاندربل میں زیارت سید قمر دین شاہ صاحب رحمۃاللہ علیہ پر گلہائے عقیدت پیش کیے اور مزار پر موجود سہولیات کا جائزہ لیا۔ بعد ازاں انہوں نے حنفیہ اسلامیہ ماڈل ہائی اسکول سہ پورہ تلمولہ میں اعلیٰ کلاسوں کی لڑکیوں کے لیے نئے بلاک کا سنگ بنیاد رکھا اور طلبہ اور عملے کے اجتماع سے تبادلہ خیال کیا۔ اس موقع پراندرابی نے گاندربل میں اتنے متاثر کن تعلیمی ادارے کے لیے عملے اور انتظامیہ کو مبارکباد دی۔
ڈاکٹر اندرابی نے کہا کہ ہمارے بچوں میں علم کے مختلف شعبوں میں دنیا کی قیادت کرنے کی بڑی صلاحیت ہے اور یہ ہماری اجتماعی ذمہ داری ہے کہ ہم اپنے نوجوان لڑکوں اور لڑکیوں کو سہولیات فراہم کریں تاکہ ان کی فیکلٹی کھلے اور ہمارے ارد گرد کامیابی کی خوشبو پھیلے۔ ڈاکٹر درخشاں نے بعد ازاں سکول کیمپس میں منشیات سے نجات کی کانفرنس میں شرکت کی۔انہوں نے کہاکہ گزشتہ چند سالوں کے دوران ہماری انتظامیہ اور سماجی بہبود کی تنظیمیں عزم کے ساتھ منشیات کی لعنت سے لڑ رہی ہیں اور ہم نے کچھ حوصلہ افزا مثبت نتائج
بھی دیکھے ہیں، لیکن بہت کچھ کرنے کی ضرورت ہے۔
انہوں نے کہاکہ تعلیمی اداروں میں منشیات سے بچاؤ کے بارے میں آگاہی کے پروگراموں کی بڑی اہمیت ہے۔ بعد ازاں اندرابی نے میڈیا سے بات کرتے ہوئے کہا کہ منشیات کا خطرہ بارود کے ساتھ سرحد پار سے کشمیر میں آیا اور دونوں نے تین دہائیوں سے زائد عرصے تک ہماری زندگیوں کو جہنم بنا دیا۔انہوں نے کہاکہ2019 کے بعد، کشمیر نے تشدد کی چالوں کو روکنے میں کامیابی حاصل کی لیکن ہم اب بھی منشیات کے خلاف جنگ لڑ رہے ہیں۔
