اس سے 49.18 لاکھ ملازمین اور 67.95 لاکھ پنشن یافتگان کو فائدہ حاصل ہوگا
لازوال ڈیسک
نئی دہلی؍؍وزیر اعظم نریندر مودی کے زیر صدات مرکزی کابینہ نے قیمتوں میں اضافے کے خلاف معاوضے کے طور پر، یکم جنوری 2024 سے،مرکزی حکومت کے ملازمین کے لیے مہنگائی بھتے (ڈی اے) اور پنشن یافتگان کے لیے مہنگائی ریلیف (ڈی آر) کی ایک اضافی قسط جاری کرنے کی منظوری دے دی ، جس سے بنیادی تنخواہ/ پنشن کی موجودہ 46 فیصد شرح سے 4 فیصد کا اضافہ ظاہر ہوتا ہے۔
مہنگائی بھتہ اور مہنگائی ریلیف دونوں کی وجہ سے خزانے پر مشترکہ طور پر 12,868.72 کروڑ روپئے سالانہ کا بوجھ پڑے گا۔ اس سے مرکزی حکومت کے تقریباً 49.18 لاکھ ملازمین اور 67.95 لاکھ پنشن یافتگان کو فائدہ پہنچے گا۔یہ اضافہ منظور شدہ فارمولے کے عین مطابق ہے، جو کہ 7ویں مرکزی تنخواہ کمیشن کی سفارشات پر مبنی ہے۔
