تمام ریاستوں اور مرکز کے زیر انتظام علاقوں کے چیف سکریٹریوں اور منتظمین کو مرکزکاخط
یواین آئی
نئی دہلی؍؍مرکزی حکومت نے تمام ریاستوں اور مرکز کے زیر انتظام علاقوں کے مختلف شعبوں میں کام کرنے والے مزدوروں کو ہیٹ اسٹروک اور جھلساتی گرمی کے اثرات سے بچانے کے لیے موثر اور ٹھوس انتظامات کو یقینی بنانے کی ہدایات دی گئی ہیں۔یونین لیبر سکریٹری آرتی آہوجا نے منگل کو تمام ریاستوں اور مرکز کے زیر انتظام علاقوں کے چیف سکریٹریوں اور منتظمین کو بھیجے گئے ایک خط میں کہا ہے کہ ٹھیکیداروں، آجروں، تعمیراتی کمپنیوں اور صنعتی یونٹوں میں کام کرنے والے کارکنوں کو ہیٹ اسٹروک اور جھلساتی گرمی سے بچانے کے لیے اقدامات کئے جانے چاہئے۔لیبر سکریٹری کو لکھے گئے خط میں موجودہ موسم گرما کے دوران شمال مشرقی ہندوستان، مشرقی اور وسطی ہندوستان اور شمال مغربی ہندوستان میں معمول کے اوپر سے زیادہ درجہ حرارت کے بارے میں ہندوستانی محکمہ موسمیات کی طرف سے جاری کردہ انتباہات کا حوالہ دیتے ہوئے کئی اسٹریٹجک اقدامات اٹھانے کو کہا گیا ہے۔ اس موسم میں ان ورکرز اور کنسٹرکشن ورکرز کے اوقات کار کی ری شیڈولنگ شامل ہے۔کام کی جگہ پر پینے کے پانی کی مناسب فراہمی، ہنگامی آئس پیک کی فراہمی اور گرمی کی بیماری کی صورت میں ابتدائی طبی امداد کی اشیاء کی فراہمی کی ضرورت پر زور دیا گیا ہے۔ محکمہ صحت کے ساتھ مل کر ورکرز کی باقاعدہ صحت کی جانچ کے علاوہ، آجروں اور کارکنوں کو وزارت صحت خاندانی بہبود فلاح وبہبود کی طرف سے جاری کردہ ایڈوائزری پر عمل کرنے کی بھی ہدایات دی گئی ہیں۔خط میں کانوں کی انتظامیہ کو ہدایت دی گئی ہے کہ کان کنوں کے لیے کام کی جگہ پر آرام کی جگہیں، مناسب ٹھنڈا پانی اور الیکٹرولائٹ سپلیمنٹس کے انتظامات کیے جائیں، اگر کارکنان کی طبیعت ناساز ہو تو انہیں سست رفتاری سے کام کرنے کی اجازت دی جائے، کارکنوں کو دن کی چھٹی لینے کی اجازت دی جائے۔ کم گرمی کے دوران محنت کش کام، شدید گرمی کے دوران دو کارکنوں کو بیک وقت کام کرنے کی اجازت دینا، زیر زمین کانوں میں مناسب وینٹیلیشن کو یقینی بنانا اور کارکنوں کو شدید گرمی اور نمی کے خطرات سے بچانے کے لیے وارننگ اور معلومات دینے سے متعلق احتیاطی تدابیر کے بارے میں بھی بتایا گیا ہے۔فیکٹریوں اور کانوں کے علاوہ تعمیراتی مزدوروں، بھٹہ پر کام کرنے والے مزدوروں پر خصوصی توجہ دینے پر زور دیتے ہوئے لیبر سکریٹری نے شرم چوک پر مناسب اطلاعات دینے کی ضرورت کا اظہار کیا۔
