محکمہ صحت کوٹرنکہ میں عوامی خدمات کیلئے سرگرم عمل

اسکول کیمپ خاص طور پر دور دراز اور دشوار گزار علاقوں کی ضروریات کو پورا کرتے ہیں
سید زاہد
بدھل ڈائرکٹر ہیلتھ سروسز جموں ڈاکٹر سلیم الرحمن اور ڈاکٹر حامد زرگر سی ایم او راجوری کی ہدایت پر بلاک کنڈی میں ہر ہفتہ اسکول کیمپس کا یہ ہفتہ وار سلسلہ منعقد کیا جاتا ہے اور ہفتہ کو اسکول ہیلتھ ڈے کے طور پر منایا جاتا ہے۔یہ اسکول کیمپ خاص طور پر دور دراز اور دشوار گزار علاقوں کی ضروریات کو پورا کرتے ہیں۔جولائی کے مہینے کے اختتام پر، آج صحت کی ٹیم نے پہاڑی پر 7 کلومیٹر کا پیدل سفر کرنے کے بعد سیاری کا دورہ کیا۔بی ایم او کنڈی ڈاکٹر اقبال ملک نے بتایا کہ ہیلتھ ٹیم نے گورنمنٹ مڈل سکول سیاری، گورنمنٹ پرائی سکول ٹھنڈا سوں اور گورنمنٹ پرائی سکول پھگوالی کا احاطہ کیا۔اس منفرد پروگرام کو طلبائ اور اساتذہ کے ساتھ ساتھ والدین نے بھی بے حد سراہا ہے۔