کہابی جے پی کے جن سمواد ابھیان نے 2,000 سے زیادہ پروگرام ریکارڈ کیے ہیں
لازوال ڈیسک
جموں؍؍جموں و کشمیر بی جے پی کے جنرل سکریٹری اور سابق ایم ایل سی وبودھ گپتا نے بی جے پی کے ضلع صدر راجیو شرما اور دیگر لیڈروں کے ساتھ ‘بوتھ جن سمواد ابھیان’ پروگرام کے تحت اکھنور قصبے میں لوگوں کے ایک بڑے اجتماع سے تبادلہ خیال کیا۔وہیںبوتھ جن سمواد ابھیان کے انچارج وبودھ گپتا نے ‘بوتھ جن سمواد ابھیان’ پروگراموں پر عوامی ردعمل پر اطمینان کا اظہار کرتے ہوئے کہا کہ یوٹی میں اب تک 2000 پروگرام منعقد ہو چکے ہیں اور 2 لاکھ 15 ہزار سے زیادہ لوگوں نے براہ راست شرکت کی۔انہوں نے کہا کہ بوتھ کی سطح پر اس طرح کے پروگراموں کے انعقاد کا مقصد صرف مودی حکومت کی کامیابیوں کو اجاگر کرنا نہیں ہے بلکہ ان لوگوں کی شناخت کرنا بھی ہے جو پہلے رجسٹر نہیں ہو سکے تھے اور انہیں مستقبل میں کسی نہ کسی اسکیم کا فائدہ اٹھانے میں مدد فراہم کرنا ہے۔ انہوں نے کہا کہ پروگراموں میں لوگوں کی بھر پور شرکت خود اس بات کا ثبوت ہے کہ وزیر اعظم نریندر مودی کی گڈ گورننس نے لوگوں کی توجہ اپنی طرف مبذول کرائی ہے اور وہ ان کی بات سننا، ان کی حمایت کرنا اور انہیں مسلسل تیسری بار وزیر اعظم کے طور پر دیکھنا چاہتے ہیں۔
