ڈوڈہ، بھدرواہ، کلہوتران میں پولنگ عملے کیلئے ای وی ایم ٹریننگ کا انعقاد کیا گیا
لازوال ڈیسک
ڈوڈہ// ڈوڈہ ضلع کے ڈوڈہ، بھدرواہ اور کلہوتران کے تقریباً 900 پولنگ عملے کے ارکان نے آج یہاں الیکٹرانک ووٹنگ مشینوں (ای وی ایم) کو سنبھالنے کی تربیت حاصل کی۔تربیتی سیشن ڈوڈہ، بھدرواہ اور جی ڈی سی کلہوہراں کے کمیونٹی ہالز میں ماسٹر ٹرینرز کے ذریعے منعقد کیے گئے۔ڈوڈہ میں، 300 پولنگ اہلکاروں کو تربیت دی گئی، جبکہ 600 پولنگ عملے کے ارکان نے بھدرواہ اور جی ڈی سی کلوہتران میں مشترکہ تربیت حاصل کی۔
ضلع انتخابی افسر ڈوڈہ، ہرویندر سنگھ نے عملے کو مشورہ دیا کہ وہ غیر جانبداری برقرار رکھیں اور الیکشن کمیشن آف انڈیا کے ذریعہ جاری کردہ ماڈل ضابطہ اخلاق پر عمل کریں۔ انہوں نے پریزائیڈنگ افسران کو ہدایت کی کہ وہ انہیں فراہم کردہ ہینڈ بک کا اچھی طرح سے جائزہ لیں اور ای سی آئی کے تازہ ترین رہنما خطوط کے ساتھ اپ ڈیٹ رہیں۔شرکاء نے پولنگ کے عمل کے مختلف مراحل پر ای وی ایم کو سنبھالنے کے بارے میں ماسٹر ٹرینرز سے لائیو مظاہرے حاصل کیے، جن میں مشین شروع کرنا، ووٹ ڈالنا، کنٹرول یونٹ کا انتظام کرنا اور پولنگ کے بعد مشین کو سیل کرنا شامل ہے۔ڈوڈہ کے ریٹرننگ آفیسر نے ٹریننگ سیشن کے دوران پولنگ عملے سے بات چیت کی۔
