نئی دہلی، // کشمیر میں سری نگر کے لال چوک میں توتلی زبان میں گایتری منتر کا جاپ کرنے والی چھوٹی بچی ویشنوی کوشک کا ویڈیو سوشل میڈیا پر وائرل ہو رہا ہے اور اس پر تبصرہ کرنے والے لوگ اسے کشمیر میں نئی تبدیلی کی مثال قرار دے رہے ہیں۔
اس ویڈیو میں لڑکی ویشنوی کوشک گایتری منتر کا جاپ کر رہی ہے، جسے دیکھ کر ملک بھر سے اب تک 12 ہزار لوگ ‘ایکس’ پر کمنٹ کر چکے ہیں۔
آندھرا پردیش بھارتیہ جنتا پارٹی (بی جے پی) کے شریک انچارج سنیل دیودھر نے ٹوئٹر پر لکھاکہ ’’لال چوک کے آس پاس صرف گولیوں اور بم دھماکوں کی آوازیں سنائی دے رہی تھی۔ آج یہاں ایک لڑکی گایتری منتر کا جاپ کر رہی ہے۔ یہ ہے نیا جموں و کشمیر!
جموں و کشمیر سے تعلق رکھنے والے عاقب میر نے ویڈیو کو ری ٹویٹ کیا اور تبصرہ کیاکہ "ہیلو انڈیا، تین سالہ بچی کشمیر میں گایتری منتر کا نعرہ لگا رہی ہے۔ اب نئے جموں و کشمیر میں امن ہے!
زراعت اور کسانوں کی بہبود کی مرکزی وزیر مملکت شوبھا کرندلاجے نے لکھاکہ "جموں و کشمیر کے لال چوک پر ایک چھوٹی بچی کھڑی ہے، بے خوف ہو کر گایتری منتر کا جاپ کر رہی ہے، جب کہ لوگ پوچھ رہے ہیں، کشمیر میں کیا تبدیلی آئی ہے؟
راجیہ سبھا کے رکن کارتیکیہ شرما نے بھی کمنٹ باکس میں لکھاکہ’’لال چوک کی ہوا، جو کبھی اختلاف کی بازگشت سے بھری ہوئی تھی، اب ایک نئی آواز لے کر آتی ہے۔ امن کے لیے تڑپتی انسانی روح کا ایک پرسکون عہد!
