بھوپال، //مدھیہ پردیش کے وزیر اعلیٰ ڈاکٹر موہن یادو نے آج فوج کے جنرل آفیسر کمانڈنگ پریت پال سنگھ اور بریگیڈیئر ایس ایس چھلر سے اظہار تشکر سے متعلق ملاقات کی۔
اس دوران دونوں افسران نے وزیر اعلیٰ ڈاکٹر یادو کو ہیڈ کوارٹر 21 کارپ کی جانب سے ایک یادگاری تحفہ پیش کیا۔
اس موقع پر وزیر اعلیٰ ڈاکٹر یادو نے ہردا سمیت دیگر آفات کے دوران فوج کی طرف سے کئے گئے فوری تعاون کی تعریف کی۔ وزیر اعلیٰ کو جی او سی مسٹر سنگھ نے مطلع کیا کہ دروناچل میں واقع جنگی یادگار جلد ہی عام لوگوں کے لیے کھول دی جائے گی۔
