مشترکہ کاروائی میں 50 سے زائد ٹپر ٹریکٹر ضبط ،19 افراد بھی گرفتار
مختار احمد
گاندربل؍؍گاندربل میں غیر قانونی کان کنی اور اس کی نقل و حمل کو روکنے کے لئے پولیس اور محکمہ کان کنی نے مشترکہ کاروائی کرتے ہوئے 40 ٹپر 12 ٹری?کٹر اور ایک لوڈ کیریر کو بھی ضبط کیا جبکہ اس میں ملوث 19 افراد کو گرفتار بھی کیا گیا۔اس حوالے سے پولیس کی طرف سے جاری پریس بیان کے مطابق گاندربل پولیس نے ایس ایس ایس پی گاندربل سندیپ گپتا کی ہدایت پر غلام حسن ڈی ایس پی ہیڈکوارٹر گاندربل اور سب ڈویڑن کنگن ایس ڈی پی او کنگن مظفر جان ایس ایچ اوز اور ڈی اوز اور پی ایس کے پی پیز کی سربراہی میں خصوصی پولیس ٹیمیں تشکیل دی گئیں۔ غیر قانونی کان کنی کے خطرے کو چیک کرنے کے لیے۔ کارروائی کے دوران گزشتہ 03 ماہ کے دوران 19 افراد کو گرفتار کیا گیا اور 14 ٹپر، 04 ٹریکٹر ضبط کیے گئے۔ یہ گاڑیاں نالہ سندھ گاندربل سے غیر قانونی طور پر کان کنی کر کینکالی گئی بجری/ ریت اور پتھروں سے بھری تھیں۔
اس سلسلے میں، ایف آئی آر نمبر 04، 05، 11، 09، 14، 15، 75، 78، 94، 06 اور 14 آف 2024 آئی پی سی، قانون کی متعلقہ دفعات کے تحت پی ایس گاندربل لار، صفا پورہ، کھیربھوانی، کنگن اور پولیس اسٹیشن گنڈ بالترتیب درج ہیں اس کے علاوہ، گزشتہ 03 مہینوں میں مشترکہ کارروائی کے دوران، گاندربل پولیس نے جیالوجی اینڈ مائینگ محکمے کے ساتھ مل کر ضلع کے مختلف مقامات پر چھاپے مارے اور 26 ٹپر، 08 ٹریکٹر اور 01 لوڈ کیرئیر ضبط کرکے موقع پر ہی ان سے جرمانہ وصول کیا۔بیاں کے مطابق گاندربل پولیس نے بارہا ان افراد کو سخت متنبیہ کیا تھا جو کان کنی کے غیر قانونی عمل میں ملوث ہیں پولیس کے مطابق غیر قانونی کان کنی کے خلاف مزید کاروائی عمل میں لائی جائے گی۔
