سانبہ پولیس نے غیر قانونی کان کنی کے لیے 5 گاڑیاں ضبط کی
راکیش چودھری
سانبہ ؍؍ضلع میں غیر قانونی کان کنی کے خلاف اپنی مہم کو جاری رکھتے ہوئے، سانبہ پولیس نے ضلع سانبہ میں پانچ گاڑیوں کو ضبط کیا ہے جو تعمیراتی مواد کی غیر قانونی نقل و حمل/کان کنی کے لیے استعمال ہو رہی تھیں۔پولیس سب ڈویژن سانبہ میں، ایس ایچ او تھانہ سانبہ، ایس ایچ او تھانہ گھگوال، انچارج پولیس چوکی سپوال اور انچارج پولیس چوکی مانسر کی سربراہی میں پولیس ٹیموں نے اپنے اپنے دائرہ اختیار کے علاقوں میں پٹرولنگ ڈیوٹی انجام دیتے ہوئے تین ڈمپر اور ایک ٹریکٹر ٹرالی بغیر رجسٹریشن نمبر کے غیر قانونی کان کنی / علاقے میں تعمیراتی مواد کی نقل و حمل کے لیے ضبط کی۔
اسی طرح، ایس ایچ او پی ایس وجئے پور کی سربراہی میں پولیس اسٹیشن وجئے پور کی ایک پولیس پارٹی نے علاقے میں غیر قانونی کان کنی/ٹرانسپورٹ کے لیے ناکہ ایمس پر ایک ڈمپرکو ضبط کیا ہے۔واضح رہے مذکورہ گاڑیوں کو سانبہ پولیس نے اپنے قبضے میں لے لیا ہے اور مزید کارروائی کے لیے جیولوجی اینڈ مائننگ ڈیپارٹمنٹ، سانبہ کے حوالے کر دیا ہے۔
