سانبہ پولیس نے غیر قانونی کان کنی کے سلسلے میں3 گاڑیوں کو ضبط کیا
راکیش چودھری
سانبہ؍؍ضلع سانبہ میں غیر قانونی کان کنی کے خلاف اپنی مہم کو جاری رکھتے ہوئے، جموں و کشمیر پولیس نے پولیس اسٹیشن گھگوال کے دائرہ اختیار میں تین گاڑیوں کو ضبط کیا ہے جو تعمیراتی مواد کی غیر قانونی نقل و حمل اورکان کنی کے لیے استعمال کی جا رہی تھیں۔اس ضمن میںانچارج پولیس پوسٹ راجپورہ کی سربراہی میں پولیس ٹیم نے اپنے دائرہ اختیار کے علاقے میں پٹرولنگ ڈیوٹی انجام دیتے ہوئے تین ڈمپر وںکو علاقے میں غیر قانونی کانکنی/تعمیراتی مواد کی نقل و حمل کے لیے ضبط کیا ہے۔یاد رہے مذکورہ گاڑیوں کو سانبہ پولیس نے اپنے قبضے میں لے لیا ہے اور مزید کارروائی کے لیے جیولوجی اینڈ مائننگ ڈیپارٹمنٹ، سانبہ کے حوالے کر دیا ہے۔
