سید محمد الطاف بخاری کی انتظامیہ سے تمام ضروری انتظامات یقینی بنانے کی اپیل
لازوال ڈیسک
سرینگر؍؍ اپنی پارٹی کے سربراہ سید محمد الطاف بخاری نے انتظامیہ پر زور دیا ہے کہ وہ عیدالاضحی کے حوالے تمام لازمی انتظامات یقینی بنائے تاکہ اس مقدس موقعے پر عوام تمام ضروری سہولیات آسانی سے میسر ہوں۔اپنے ایک بیان میں اپنی پارٹی کے سربراہ نے کہا، ’’عیدالاضحی کے مقدس موقعے کی مناسبت سے انتظامیہ کو تمام ضروری اقدامات کرنے چاہیں تاکہ عوام کو اس مقدس موقعے پر تمام سہولیات آسانی سے میسر ہوں۔ اس ضمن میں انتظامیہ کو یہ بات یقینی بنانی چاہیے کہ بازاروں میں ضروری اشیاء کی مناسب دستیابی، اور صارفین کو پانی اور بجلی کی بلاتعطل فراہمی ہو۔‘‘علاوہ اس کے سید محمد الطاف بخاری نے ناجائز منافع خوری، ذخیرہ اندوزی اور اس طرح کی طرح حرکتوں کی روک تھام کیلئے شہر اور قصبہ جات کے بازاروں میں مارکیٹ چیکنگ ٹیموں کو متحرک رکھنے کی تلقین بھی کی ہے۔انہوں نے عید کے موقعے پر اہم مقامات پر صفائی و پاکیزگی کیلئے اقدامات کرنے کے ساتھ ساتھ ٹرانسپورٹ کا معقول انتظام کرنے کی اپیل کی ہے تاکہ لوگ مقدس مقامات پر کسی پریشانی کے بغیر نما ز عید کے اجتماعات میں شرکت کرسکیں۔
