کے ساتھ ابھرتے ہوئے فنکاروں کے انٹرایکٹو سیشن کی میزبانی کی
لازوال ڈیسک
کشتواڑ،؍؍پکچر ٹائم تھیٹر کشتواڑ کی طرف سے ضلع انتظامیہ کشتواڑ کے تعاون سے ڈپٹی کمشنر ڈاکٹر دیونش یادو کی سربراہی میں منعقدہ ایک اہم تقریب میں آج پکچر ٹائم تھیٹر کشتواڑ میں معروف ہندوستانی اداکار پنکج ترپاٹھی کے ساتھ ایک براہ راست بات چیت پروگرام کا اہتمام کیا گیا۔وہیںتقریب کا آغاز ڈپٹی کمشنر ڈاکٹر دیونش یادو نے ضلع کی غیر استعمال شدہ صلاحیتوں اور فلم انڈسٹری کے لیے موزوں کشتواڑ کے دلکش مناظر پر روشنی ڈالتے ہوئے کیا۔سیشن کے دوران، سی او سی آر پی ایف پرما شیوم کے علاوہ اے ایس پی کشتواڑ راجندر سنگھ اور ابھرتے ہوئے فنکاروں جیسے سمریدھی سین اور دیگر ثقافتی کارکنوں نے بھی اداکار پنکج ترپاٹھی کے ساتھ مکالمہ کیا، جس میں ابھرتے ہوئے فنکاروں کے بالی ووڈ انڈسٹری میں کیریئر بنانے کے بارے میں بات چیت کی گئی۔وہیںترپاٹھی نے مختلف کورسز، فلم اور سنیما انڈسٹری میں داخلے کے مراحل، اور اس شعبے میں نمایاں مقام حاصل کرنے کے لیے ایک اداکار کے پاس ضروری خصوصیات کے بارے میں قیمتی رہنمائی کا اشتراک کیا اس کے علاوہ انہوں نے فلم انڈسٹری میں اپنے کیریئر کے اہم لمحات کو بھی شیئر کیا۔قابل ذکر ہے کہ وہ نیشنل اسکول آف ڈرامہ پاس آؤٹ ہیں، جو زیادہ تر ہندی فلموں میں کام کرتے ہیں۔ وہ کئی ایوارڈز کے وصول کنندہ ہیں، جن میں دو نیشنل فلم ایوارڈز اور ایک فلم فیئر ایوارڈ شامل ہیں ۔ اس موقع پر سابق وزیر اعظم ،بھارت رتن اٹل بہاری واجپائی کو خراج عقیدت کیا گیا ۔انٹرایکٹو سیشن کے دوران، اداکار پنکج ترپاٹھی نے نیشنل اسکول آف ڈرامہ کے ساتھ مل کر کشتواڑ ضلع میں مقامی فنکاروں کے لیے ایک ورکشاپ منعقد کرنے کی خواہش ظاہر کی۔مزید برآں، انہوں نے کشتواڑ کا دورہ کرنے میں گہری دلچسپی کا مظاہرہ کیا اور خوبصورت ضلع میں ٹریکنگ مہم شروع کرنے کے لیے اپنے جوش کا اظہار کیا۔وہیںسیشن میں اے ڈی سی کشتواڑ اندرجیت سنگھ پریہار، اے سی آر ورونجیت سنگھ چڑک، سی ای او کشتواڑ ڈیولپمنٹ اتھارٹی ڈاکٹر رشی کمار شرما، ڈی پی او کشتواڑ سنیل بھوٹیال، ڈی آئی او کشتواڑ ڈاکٹر کلدیپ کمار، ڈی وائی ایس پی وشال شرما کے علاوہ سول اور مختلف افسران نے شرکت کی۔شرکاء کی جانب سے اظہار تشکر کرتے ہوئے ڈپٹی کمشنر ڈاکٹر دیونش یادو نے اداکار پنکج ترپاٹھی کا شکریہ ادا کیا کہ انہوں نے کشتواڑ کے مقامی فنکاروں کے ساتھ اپنا وقت گزارا۔وہیں ڈپٹی کمشنر نے کامیاب تقریب کے انعقاد پر پکچر ٹائم تھیٹر کی کاوشوں کو بھی سراہا ۔آخر میں، انٹرایکٹو سیشن نے مقامی ابھرتے ہوئے فنکاروں پر ایک انمٹ تاثر چھوڑا اور اس طرح کے پراثر پروگراموں کے انعقاد میں انتظامیہ کے فعال انداز کو سراہا۔
