نگروٹہ اسمبلی حلقہ کے لوگوں کے در پیش مسائل کا جائزہ لیا
لازوال ڈیسک
جموں//جموں و کشمیر صاف ستھرا موومنٹ کے صدر، سینئر لیڈر بی جے پی شوکت علی چوہدری نے نگروٹہ حلقہ کے لوگوں کو فراہم کی جانے والی بنیادی سہولیات کا جائزہ لیا۔وہیں اس دوارن نگروٹہ حلقہ کے کئی دور دراز علاقوں کے اپنے دورے کے دوران چودھری نے مقامی باشندوں سے بات چیت کی اور ان کے مسائل کو سنا۔عوام نے مطالبہ کیا مناسب روڈ کنیکٹیویٹی، بلیک ٹاپنگ، پانی کی کمی، مناسب بجلی، صحت کی دیکھ بھال، مناسب نکاسی آب اور صفائی ستھرائی سمیت مسائل کو جلد از جلد جاری کیا جائے۔انہوں نے بتایا کہ عام طور پر رہائشیوں اور طلباء کو خاص طور پر شدید پریشانیوں کا سامنا کرنا پڑتا ہے کیونکہ اس علاقے میں کالاکوپت سے ندقہ پرائمری اسکول اور دیگر ملحقہ علاقوں تک سڑک کے رابطے کی کمی ہے۔رہائشیوں کا کہنا تھا کہ ہم پیدل دوسرے علاقوں میں جانے پر مجبور ہیں کیونکہ علاقے میں سڑکیں نہیں ہیں انہوں نے مزید کہا کہ اگر مناسب سڑکیں بنائی جائیں تو ان کے بچوں کو اسکول جانے کے لیے پیدل سفر سے نجات ملے گی۔ قابل ذکر بات یہ ہے کہ اگر کالاکوپت سے ندقہ پرائمری اسکول تک سڑک بنائی جاتی ہے تو یہ علاقوں کو بان ٹول پلازہ سے جوڑ دے گی۔وہیں شوکت چوہدری لوگوں کو درپیش مسائل کو سننے کے بعد انہیں یقین دلایا کہ وہ تمام مسائل کو متعلقہ حکام کے ساتھ اٹھائیں گے اور جلد از جلد ان کا ازالہ کریں گے۔ انہوں نے کہا کہ ایل جی انتظامیہ ذاتی دلچسپی لے کر ان لوگوں کے مسائل حل کرے تاکہ ان کے بنیادی مسائل حل کرنے کے ساتھ ساتھ انہیں سڑکوں کی سہولیات بھی فراہم کی جاسکیں۔
