روہت اور عمر کی بولنگ نے حریفوں کی بلے بازی کو ناکام بنایا
لازوال ڈیسک
کٹک؍؍ عبدالصمد نے ناقابل شکست 66 رنز کی میچ جیتنے والی اننگز کھیلی، جب کہ عاقب نبی نے 4 وکٹیں لینے کے بعد 28 رنز کی دلیرانہ اننگز کھیلی۔وہیںروہت شرما، عمر نذیر، عاقب اور عمران ملک کی تیز گیند بازی کے بعد بلے بازمایوس ہوئے اور جموں و کشمیر کی آج ڈریمس گراؤنڈ کٹک میں رنجی ٹرافی ایلیٹ گروپ-ڈی کے کم اسکور والے میچ میں اوڈیشہ کے خلاف 2 وکٹوں سے فتح حاصل کی۔149 رنز کے ہدف کے تعاقب میں جموں و کشمیر کی ٹیم 15.3 اوورز میں 39/4 پر ایک مرحلے پر پریشان کن تھی اس سے پہلے کہ عبدالصمد اور عاقب نبی نے ڈوبتے ہوئے جہاز کو بچا لیا اور اننگز کو مستحکم کرتے ہوئے اسکور کو 31 اوورز میں 5/105 تک پہنچا دیا۔آخر کار صمد (66*) اور عمران ملک (07*) اپنی ٹیم کوآگے لے گئے ۔وہیں صمد نے 83 گیندوں پر اپنی شاندار اننگز میں 7 چوکے اور 2 چھکے لگائے جبکہ عاقب نے 55 گیندوں کی اننگز میں 4 چوکے لگائے۔ شوبھم سنگھ نے بھی جیت کے ٹوٹل میں 18 رنز کا اہم کردار ادا کیا۔وہیںاڈیشہ کی جانب سے میڈیم پیسر راجیش موہنتی نے 5 وکٹیں حاصل کیں جبکہ سنیل کمار رول نے 3 وکٹیں حاصل کیں۔دریں اثناء جموں و کشمیر کی جانب سے میڈیم پیسر عاقب نبی نے 19 اوورز میں 73 رنز دے کر 4 وکٹیں حاصل کیں جبکہ عمر نذیر نے 15 اوورز میں 36 رنز دے کر 3 وکٹیں حاصل کیں۔ روہت شرما نے 2 اور فاسٹ بولر عمران ملک نے ایک وکٹ حاصل کی۔اس سے قبل، پہلی اننگز میں جموں و کشمیر نے اوڈیشہ کی پہلی اننگز کے 130 رن کے مجموعے کے خلاف 180 رنز بنا کر 50 رنز کی اہم برتری حاصل کی تھی۔ عابد نے شاندار نصف سنچری اسکور کرنے کے لیے شاندار جرات اور استقامت کا مظاہرہ کرتے ہوئے 51 گیندوں پر 7 چوکوں اور ایک چھکے کی مدد سے 50 رنز بنائے جبکہ شبھم سنگھ پنڈر نے 34 اور عمر نذیر نے 25 رنز بنائے۔وہیںروہت شرما کو ان کی شاندار گیند بازی کے لیے مین آف دی میچ قرار دیا گیا۔
