ہندوستان کے مختلف علمی اور سائنسی اداروں سے کل 25 شرکاء نے شرکت کی
لازوال ڈیسک
جموں؍؍سی ایس آئی آر-انڈین انسٹی ٹیوٹ آن انٹیگریٹیو میڈیسن جموں میں ‘سائنسی، طبی اور ریگولیٹری تحریروں میں تازہ ترین رجحانات: سائنس مواصلات میں مہارتوں کو بڑھانا اور اکیڈمیا اور صنعت کے درمیان فرق کو ختم کرنا’ کے موضوع پر ایک سات روزہ ورکشاپ یہاں اختتام پذیر ہوئی۔واضح رہے ورکشاپ کو ایس ای آر بی کے ذریعہ ایکسلریٹ وگیان اسکیم کے تحت سپانسر کیا گیا تھا اور اس کی توجہ صنعت اور اکیڈمی کے درمیان روابط کو جوڑ کر اعلیٰ درجے کی سائنسی تحقیق کی حوصلہ افزائی اور سائنسی دستاویزات کی تیاری پر مرکوز تھی۔وہیں ورکشاپ کی تفصیلات بتاتے ہوئے ایک مقرر نے بتایا کہ ہندوستان کے مختلف علمی اور سائنسی اداروں سے کل 25 شرکاء نے شرکت کی۔یاد رہے ورکشاپ کا افتتاح ڈاکٹر زبیر احمد، ڈائریکٹر،سی ایس آئی آر -آئی آئی آئی ایم جموں نے 09 جنوری 2024 کو کیا تھا۔تاہم سات دنوں کی مدت میں، سائنسی، طبی اور ریگولیٹری تحریر سے متعلق کئی سیشنز کا انعقاد کیا گیاجہاں یہسیشنزسی ایس آئی آر -آئی آئی آئی ایم جموں کے سائنسی عملے کے ذریعہ لئے گئے تھے، اور اس کے علاوہ، ورکشاپ کے دوران صنعت اور دیگر تعلیمی اداروں کے باہر کے ماہرین کو بھی مدعو کیا گیا تھا۔وہیں ورکشاپ کے اختتامی سیشن میں شرکاء سے فیڈ بیک لینا اور شرکت کے سرٹیفکیٹ دینا شامل تھا۔ اس دوران ڈائرکٹر، سی ایس آئی آر آئی آئی آئی ایم نے اختتامی سیشن کو اپنی موجودگی سے خوش آمدید کہا اور شرکاء سے ایک حوصلہ افزا اور فکر انگیز گفتگو کی۔ اپنی گفتگو میں ڈائریکٹر نے زور دیا کہ سائنسی کام کو انضمام کی ضرورت ہے اور اکیلے نہیں کیا جا سکتا۔ انہوں نے کہا کہ انسٹی ٹیوٹ اس قسم کی ورکشاپس کی تعدد میں اضافہ کرے گا اور طلباء کو ان کی مستقبل کی کوششوں کے لیے نیک خواہشات کا اظہار کیا۔
